Gasteizko zezen-plazaren etorkizuna, kolokan
Gasteizko zezen-plazaren etorkizuna kolokan dago. Ostegun honetan amaitu da zezen-plaza kudeatzeko eskaintzak aurkezteko epea, eta lehiaketara ez da enpresarik aurkeztu, nahiz eta hasieran zortzi enpresaburuk nolabaiteko interesa adierazi. Hortaz, gaur egun zezen-plazaren etorkizuna Gasteizko Udaleko Kultura Sailaren eskuetan dago berriro.
Gasteizko Udalak zezen festaren aldeko apustua egiten jarraitzen du, baina zergadunentzat kosturik ez badu. Kultura Sailak beste lehiaketa bat deituko du orain, itxi berri duten lehiaketaren baldintzak ez baitira enpresaburu horien gustuko izan. Baldintza horietan, 6.000 euroko kanon bat ordaintzeko beharra jasotzen zen, eta uztailaren 25a eta abuztuaren 9a bitartean hiru zezenketa eta beste hiru ikuskizun prestatu beharra; gainera, plazaren ardura bere gain hartzen duen enpresak bigantxez ere arduratu behar zuen. Baldintza horiek Iniciativas Taurinas enpresari jarri zizkioten berberak dira. Enpresak kontratua amaitu baino urtebete lehenago, baina, uko egin zion plaza kudeatzeko ardurari.
Beraz, ez dago baldintza horietan zezen-plazaren kudeaketa bere gain hartu nahi duen enpresabururik, zezen mundutik ez baitute errentagarri ikusten. Zezen-plaza Iradier Arenan dago eta 7.832 eserleku ditu. 2014an, batez beste 2.000 pertsona joan ziren zezenketetara. Iaz, berriz, akordioa adostu zuten ostalariekin sarrerak banatzeko, baina ekimen horrek ere ez zuen interes gehiegirik sortu gasteiztarren artean.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.