Gizon batek emaztea hil eta gorpua Arga ibaira bota du, Burlatan
Burlatako bizilagun batek bikotekidea hil eta gorpua Arga ibaira bota du. Hala aitortu dio gaur goizean Espainiako Poliziari, Iruñeko komisariara bertaratuta.
Poliziak bikoteak Burlatan duen etxera joan dira berehala, baina ez dute emakumea aurkitu. Poliziak, suhiltzaileen laguntzarekin, Arga ibaian ari dira emakumearen bila, Burlata, Atarrabia eta Arre parean.
Euriteen ondorioz Arga ibaia hazita doa eta horrek bilaketa-lana oztopatzen du.
Gizona atxilotu egin dute eta 72 ordu igarotzen direnean epailearen aurrera eramango dute. Hark emandako testigantzari erabateko sinesgarritasun eman dio Poliziak, EiTBk jakin ahal izan duenez.
Desagertutako emakumeak 48 urte ditu eta Nafarroako Gobernuko Gizarte Gaietako departamentuko langilea da.
Iruñeko emakumeen kontrako indarkeriari buruzko epaitegiak ikertuko du gertakaria.
(Emaztearen gorpua Arreko zubitik behera bota zuela esan du atxilotuak. EFE)
Bilaketarako dispositiborik berezirik gabe
Bestalde, Nafarroako Gobernuko iturriek zehaztu du ezin izan dutela emakumea bilatzeko protokoloa abian jarri, eguraldi txarra dela eta.
Euri-jasen ondorioz, Arga ibaia gainezka doa eta ezinezkoa da txalupekin bertan sartzea. Era berean, helikopteroak ezin izan du aireratu, haizeteengatik alerta horia dagoelako.
Gainera, ibai ertzean ere ezin da bilaketarik egin, hainbat tokitan gainezka egin duelako.
Horrenbestez, larrialdi zerbitzuek ezin izan dute dispositibo berezirik martxan jarri, baina denboraleagatik Arga ibaiaren inguruan daude poliziak eta suhiltzaileak emakumearen bila ari dira.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
turan.Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.