Espetxeratuta Majarenasen bikotekide ohia, alaba hiltzen saiatzeagatik
Carlet herriko (Valentzia) 1. epaitegi instrukzio-epaileak kartzelatu egin du Sara Majarenas ETAko presoaren bikotekide ohia, Benifaion 2 urteko alaba hiltzen saiatzeagatik.
Valentziako Auzitegi Nagusiak jakinarazi duenez, epaileak alabaren zaintza eta bisita erregimena kendu dizkie gizonezkoari, eta neskarengandik urruntzeko agindua ezarri dio.
Epaileak hilketa saiakera delitua egotzi dio akusatuari, senidetasun larrigarria kontuan hartuta.
Neskatoak aitarekin ematen zituen asteburuan Benifaio herrian (Valentzian), bi gurasoek hala adostuta, eta astelehenetik ostiralera amarekin bizi zen Picassenteko espetxean.
Majarenasek atzo bisitatu ahal izan zuen alaba.
Neskatoa larri dago, baina egonkor, Valentziako Ospitalean.
Sara Majarenasi 13 urteko espetxe zigorra ezarri zioten, ETAko kide izateagatik, eta 12 urte eman ditu jada kartzelan.
Eneko Goiak Majarenas gerturatzea eskatuko du
Bestalde, Eneko Goia Donostiako alkateak aurreratu du idatzi bat igorriko diola Espetxe Zuzendaritzari, Majarenas Donostiatik gertu dagoen espetxe batera eraman dezaten, alaba Gipuzkoako hiriburuan biziko baita “segur aski” martxotik.
Horren esanetan, neskatila Donostiako ikastetxe batean matrikulatuta dago, “bi hilabete barru” bertan bizitzea aurreikusita zegoelako,
Goiak azaldu duenez, adingabea dagoeneko erroldatuta dago Donostian, eta Aldundiak “pausoak” eman ditu umea Donostiara eramateko eta horren zaintza amaren gurasoen esku uzteko.
Zure interesekoa izan daiteke
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.