Luiziak Bergaran kaltetutako bi familia bihar itzuliko dira etxera
Duela hiru aste Bergarako Bolu auzoan izandako luiziak kaltetutako zazpi familietatik bi etxera itzuliko dira astearte honetan, larrialdi egoera amaituta, Elena Lete alkateak ohar bidez jakinarazi duenez.
Gainerako bost familiek, berriz, etxetik kanpo jarraitu beharko dute oraingoz. Horietako bi senideen etxeetan daude eta beste hirurak Udalak utzitako pisuetan ari dira bizitzen.
"Gainerako familiak etxera noiz itzuli ahal izango diren ez dakigu, baina konpromisoa hartu dugu ematen diren urrats guztiak haien jakinaren gainean jartzeko", erantsi du alkateak oharrean.
Bost familia horien etxebizitzek oraindik ez dituzte bertan bizi ahal izateko baldintza guztiak betetzen eta, ondorioz, ezin dira etxera itzuli. Alabaina, seguru-etxeetako adituekin sartzeko aukera izango dute.
Larrialdi egoera amaitutzat ematen den unetik aurrera, ardura ez da Udalarena izango, "egoeraren jarraipena" egingo badu ere.
Geologoz osatutako talde batek mendi-magala aztertzen jarraituko du aurrerantzean eta makina bat eramango dute bertara, balizko lur mugimenduak antzemateko eta beharrezkoak diren segurtasun neurriak hartzeko.
Lur-jausia urtarrilaren 16an izan zen. Guztira, 21 familia atera zituzten etxetik. Horietako 14 biharamunean bueltatu ahal izan ziren eta gainerakoek etxetik kanpo jarraitu behar izan zuten.
Zure interesekoa izan daiteke
EAEko Auzitegi Nagusiak bi egonkortze prozesu eten ditu C2 euskara maila eskatzeagatik
Zehazki, udal idazkari eta kontu-hartzaile postuetarako IVAPek emandako bi ebazpen utzi ditu bertan behera Auzitegiak. Eusko Jaurlaritza epaia aztertzen ari da kasazio helegitea aurkeztuko duen erabakitzeko.
Gasteizen bikote homosexual bati eraso egin zion adingabea atxilotu dute berriro, hiru gazte sastakatzeagatik
EITBk baieztatu duenez, 17 urteko gaztea kanporatzeko eskaera egin behar zuen Arabako Aldundiak. Atzo, bertan, epailearen aurrera eraman zuten, eta Eusko Jaurlaritzaren gazteentzako justizia zentro batean sartzea agindu zuen honek.
Pertsona bat hil da Arrasaten, bi ibilgailuren arteko istripu batean
GI-627 errepidean gertatu da ezbeharra, Aretxabaletarako noranzkoan. Errepidea itxita egon da errepidea garbitu bitartean, baina lanak amaitutakoan ireki dute.
Euskararen aldeko lasterketa igande eguerdian helduko da helmugara, Bilbora
2.750 kilometro egin eta lekukoa eskuz esku 3.436 aldiz pasatu ostean, Bizkaiko hiriburua harrapatuko du Korrikak. Bertan jakingo dugu nork idatzi duen 10 egunez lekuko barruan gordeta eraman duten mezua, egileak berak irakurriko baitu. AEKk festa erraldoia prestatu du 24. Korrikari amaiera emateko.
Deabruek sutan jarri dute Korrika Debagoienean barrena
Lekittoko Deabruak kale antzerki taldeak hartu du lekukoa Oñatitik Bergarara bidean, eta hankaz gora jarri dute ibilbidea su eta txinpartekin.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatu beharreko kanporaketa eta apirilaren 7an Maccabiren kontrakoa bertan behera uztea eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta ez da nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.