150 merkatarik parte hartuko dute 2017ko Stock Euskadi azokan
Stock Euskadi Euskal Autonomia Erkidegoko (EAE) outlet azokarik handienaren hamabigarren edizioa egingo da asteburuan Barakaldoko BEC erakustazokan, ostiraletik igandera. Azokak 1. pabiloiaren 12.500 metro koadroko eremua hartuko du eta 150 erakusle baino gehiagok parte hartuko dute. Aurten hainbat berrikuntza izango dira, 40.000 bisitari inguru bildu zituen aurreko hitzorduarekin alderatuz.
11:00etatik 21:00etara bisitariek lehen mailako marken eskaintzez gozatzeko, sarien zozketan parte hartu eta "food truck" delakoen eskaintza gastronomikoa dastatzeko aukera izango dute. Sarrerak bi euro balioko du, eta 14 urtetik beherakoek ez dute sarrerarik ordaindu beharko.
Azokak leku bakarrean % 80ra arteko beherapenez gozatzeko aukera eskainiko du berriro ere, moda, bitxi, osagai, edertasun, osasun, kirol jantzi, sukaldeko tresneria eta etxeko gauza, elektronika eta aisiako lehen marketan, besteak beste. Azken edizioan, 130.000 salerosketa baino gehiago egin ziren hiru egunetan. Hori dela eta, stockean dituzten salgaiei irteera emateko aukera izateaz gain, saltokiek erosle berrien aurrean euren burua ezagutarazteko aukera izango dute. Aurten marka hauetako produktuak izango dira salgai: Calvin Klein, Vans, Adidas, Lois, Carrera, Diesel, Carhartt, New Balance, Billabong, Quicksilver edota Geographical Norway.
Aurtengo berrikuntzen artean azpimarratzekoak dira ehun metro koadro eta apainketa propioa duten gune bereziak, horietako bat Calvin Kleini eskainitakoa, eta bestea Canhartt, Billabong edo Quicksilver moduko markekin surfeko modari eskainitakoa. Saltokien artean, nabarmentzekoak dira lehen aldiz egongo den laneko arropari eta uniformeei eskainitakoa edo azken edizioko arrakasta nagusietakoa izan zen personal shopper zerbitzuaren itzulera, besteak beste.
Stock Euskadi azoka finkatutako ekitaldia da dagoeneko, eta gero eta bisitari gehiago jasotzen ditu (orain bost hilabete egindako ekitaldian 40.000 bisitari inguru izan zituen, eta egun bakar batean 20.000).
Hitzorduak familia osoarentzako aisiarako gune izan nahi du eta, ondorioz, adin guztietara egokitutako ludoteka izango du (puzgarriak txikienentzat, bideo-jokoak nagusientzat), bai eta food truck eskaintza zabala ere. Furgoneta horiek parke natural gisa apaindutako gunea hartuko dute, Euskal Herriko janari tipikoak edo nazioarteko errezetak dastatzen dituzten bitartean bisitariek erlaxatzeko aukera izan dezaten.
Bestalde, azokak 3.000 euroko ekarpena egingo dio Bizkaiko Esklerosi Anitzaren Elkarteari (Adembi). Gainera, saltoki bat utziko dio, bertaratzen diren guztiei bere jardueraren berri emateko. Adembiko ordezkaritza batek jasoko du ekarpena larunbatean, martxoaren 11n, eguerdiko 12:00etan.
Zure interesekoa izan daiteke
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.