Euskal Herriak 'Planetaren ordua'rekin bat egingo du
'Ordubeteko itzalaldi sinple bat ingurugiroaren alde munduan egiten den ekintzarik garrantzitsuena' bilakatu da. Horixe da 'Planetaren ordua', Word Wide Fund for Nature (WWF) erakundearen arabera. Banakoen ekimenek klima aldaketaren kontrako borrokan lagun zezaketelakoan, 2007an aurrenekoz ospatu zuten 'Planetaren ordua', Sidneyn (Australia). Apurka-apurka, urtez urte, ekimenarekin bat egiten joan dira mundu osoko hiriak.
10 urte geroago, urteroko zita bihurtu da. Aurten ere (martxoaren 25ean) nazioarteko erakundeek, enpresek eta herritarrek argiak itzaliko dituzte 20:30etik 21:30era Lurraren berotzeaz ohartarazteko eta "gizateriarentzat etorkizun distiratsuago" bat aldarrikatzeko.
Urtero bezala, hitzorduarekin bat egingo du Euskal Herriak ere. Bilbok, Donostiak, Gasteizek, Iruñeak eta herri ugarik eraikin ezagunenen argiak amatatuko dituzte. Hartara, ingurumenarekin duten konpromisoa erakutsiko dute udalek, Eusko Jaurlaritzak, enpresek, baita herritarrek ere.
Gasteizen, Andre Maria Zuriaren plaza, San Migel eliza eta Eusko Jaurlaritzak Lakuan duen egoitza ilunduko dituzte. Bilbon, Guggenheim museoko eta Jaurlaritzak Kale Nagusiko 85. zenbakian duen egoitzaren argiak itzaliko dituzte, besteak beste. Donostiak ere bat egingo du itzalaldiarekin, eta honakoen argiak amatatuko ditu: Kontxako badia, Santa Klara uhartea, Urgul mendiaren harresiak, Udaletxea, Kursaal auditorioa edota Victoria Eugenia antzokia. Iruñean, bestalde, hiriko harresiak, Takonera lubanarroak, hiriko zubi eta elizak ilunduko ditu. Foruen estatuako (Sarasate pasealekua) eta Erorien Monumentuko argiak ere itzaliko dituzte.
Herri askok ere ilunpean emango dute larunbat iluntzeko ordubete hori. Nafarroan, Tutera; Bizkaian, Durango, Ermua, Portugalete, Muskiz edo Getxo; Gipuzkoan, Eibar, Errenteria, Irun eta Alkiza; eta Araban, Ozaeta.
2016a, azken 136 urteetako beroena
"Lurra lehendabizi. Ez zaitzala inork geldiarazi" da aurtengo hitzorduaren leloa. WWF Espainiak gogorarazi duenez, 2016a azken 136 urteetako beroena izan zen, eta XXI. mendean, ia urtero gainditu dira tenperatura hazkundearen markak.
Juan Carlos del Olmo WWF Espainiako idazkari nagusiak nabarmendu duenez, "litekeena da klima aldaketak dakartzan erronka eta arriskuak gizateriak inoiz izandako handienak izatea, baina era berean, ez dugu inoiz etorkizun bidezko eta seguruago bat eraikitzeko halako aukerarik izan".
2017 honetan hainbat eskakizun zehatz egin ditu erakundeak: Brasilgo bioaniztasuna babesteko neurriak hartzea, Hego Afrikan energia berriztagarriak sustatzea, Txinak bizimodu jasangarriago bat lortzeko pausoak ematea edota EBk etorkizun energetiko garbi eta berriztagarria izateko politikak martxan jartzea.
Hori lortzeko bidean, www.horadelplaneta.es webgunean abiatutako sareko martxan parte hartzeko deia egin diote gizarteari.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.