Lana da arazo nagusia herritarren % 79rentzat
Euskal herritarren % 79ren aburuz, Euskadik duen arazo nagusia lan merkatuari lotutakoak dira, nahiz eta galdetutakoen % 64k Euskadiren egoera ekonomikoa "ona edo oso ona" dela esan duten, Eusko Jaurlaritzak gaur argitara eman duen Soziometroan jasotzen diren datuen arabera.
2017ko otsailaren 7a eta 13a bitartean egindako 2.268 inkestetatik ondorioztatu dutenez, Euskadiren egungo egoerari buruzko pertzepzioa "oso positiboa da" (6,0koa, 0-10 eskalan), eta 2013an hobetze bidean hasitako joerari eusten dio. Izan ere, "2007tik ez da hain iritzi baikorrik neurtu".
EAEko arazo nagusiei dagokienez, herritarrek lan merkatuari lotutako arazoak aipatu dituzte berriz ere gainerakoak baino gehiago. Galdetutakoen % 79k hiru arazo nagusien artean aipatu dituzte horiek.
Bigarren lekuan, arazo ekonomikoak aipatu dira gehien (% 15), eta, ondoren, egoera politikoa (% 12), etxebizitza eta etxegabetzeak (% 9) eta zerbitzu publikoen funtzionamendua eta hedadura eta laguntzak (% 9).
Bizikidetza
Bestalde, ikerketaren arabera, 0tik 10erako eskalan, 6,2 puntu eman dizkiote herritarrek Euskadin ideia politiko desberdinak dituzten pertsonen arteko bizikidetzari, eta 5,9 puntu, kultura desberdinetako pertsonen arteko bizikidetzari.
Gainera, herritarren % 59 ados daude "immigranteek asko ematen diote Euskadiri" esaldiarekin.
Eusko Jaurlaritza berria
Soziometroak Jaurlaritza berriarekiko balorazioa eta konfiantza ere aztertu ditu. Inkestak islatu duenez, herritarren % 29k besterik ez dute jakin esaten EAJk eta PSE-EEk osatzen dutela Eusko Jaurlaritza berria. Gainera, beste % 25ek uste dute EAJ bakarrik gobernatzen ari dela.
Halaber, herritarrek 5,2 puntu eman dizkiote Jaurlaritzak eragiten dien konfiantza mailari; aurreko Jaurlaritzari bere lehenengo hilabeteetan eman ziotena baino apur bat gehiago (5,0).
Azkenik, buruzagi politikoen balorazioari dagokionez, emaitza hobeak atera dituzte guztiek: Urkullu lehendakaria 5,1etik 5,5era igo da; Andoni Ortuzar, 4,4tik 4,9ra; Idoia Mendia, 3,7tik 4,2ra; Arnaldo Otegi, 3,7tik 3,9ra; eta Alfonso Alonso, 1,9tik 2,2ra. Nagua Alba, berriz, 3,6an geratu da (aurrekoan bezala).
Albiste gehiago gizartea
Zergatik bihurtu dira baso-suteak lehen baino arriskutsuagoak?
60ko hamarkadan, suteak 1. eta 2. mailakoak ziren, baina denborak aurrera egin ahala, sute horiek areagotu egin dira, eta, azken hamarkadetan, oso larriak izatera igaro dira, bosgarren eta seigarren mailakoak.
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.