Pedofilo bat atxilotu dute Gasteizen kautelazko neurriak urratzea egotzita, adingabeei argazkiak ateratzeagatik
Ostegunean atxilotu dute, ikastetxe, haurtzaindegi, haur-parke eta adingabeak biltzen diren beste edozein lekutara hurbiltzeko debekua urratu duela jakin eta gero.
Adin txikikoei sexu-abusuak egitea leporatuta zigortutako 31 urteko gizon bat atxilotu du Gasteizko Udaltzaingoak ostegunean, epaiketaren zain zegoela delitua berriro egitea egotzita, adingabeen arteko kirol-lehiaketa batera joan eta parte-hartzaileei argazkiak atera ostean.
Atxilotua baldintzapean aske zegoen, udan adingabeei sexu-eraso larriagotuak egitea egotzita egin beharreko epaiketaren zain, Gasteizko Udalak ohar batean azaldu duenez.
2015ean adin txikikoei sexu-abusuak egiteagatik beste zigor bat betetzen ari zela egin zituen eraso horiek, espetxetik irteteko baimena lortu zuenean.
Ostegun honetan atxilotu dute, ikastetxe, haurtzaindegi, haur-parke edo adingabeak biltzen diren beste edozein lekutara hurbiltzeko debekua urratu duela jakin ostean.
Martxoaren 7an urratu zituen kautelazko neurriak. Orduan, adingabe bati opari bat egin zion atxilotuak, eta hari buruzko informazio pertsonala lortzen saiatu zen. Egun batzuk geroago, adingabearen partidu batera joan zen eta argazkiak atera zizkien, bai adingabeari, bai horren taldekideei.
Gertaera horiek egiaztatzeko beharrezko neurriak hartu, eta gizonezkoaren bizilekua zein zen jakin ondoren, udaltzainak haren etxera joan ziren eta atxilotu egin zuten.
Zure interesekoa izan daiteke
Ander Aldazabal, Lekeitioko alkatea: "Justiziak arrazoi eman digu, eta alde horretatik oso pozik gaude"
Halere, Lekeitioko alkateak onartu egin du pena handiz hartu duela Udalak inguruko herrietako bizilagunei EAEko Auzitegi Nagusiak ezarritako muga. "Horri irtenbidea emateko ditugun aukerak aztertzen gabiltza, baina orain legea bete behar dugu, eta, aurten, behinik behin, ezingo dute egoiliarren txartela eskuratu", erantsi du.
Dozenaka pertsona atera dituzte Iruñeko Aranzadiko komentu zaharretik, birgaitze lanen hasiera dela eta
Udalak aldi baterako bizitoki-irtenbideak eskaini dizkie Agustindarren komentu zaharrean lo egiten zuten 75 pertsonetatik gehienei. Bertan, sendatze neurologikorako osasun-zentro bat egongo da.
Auzitegi Nagusiak onartu egin du Lekeitioko aparkaleku sistema, baina herrigunea egoiliarrentzat utzita
Udalak ezarritako aparkaleku sistema egokitzat jo du, beraz, EAEko Auzitegi Nagusiak, nahiz eta ebatzi duen puntu batean orain arteko araua "diskriminatzailea" zela, Munitibarko, Aulestiko, Gizaburuagako, Amorotoko, Mendexako, Ispasterko eta Eako bizilagunek bazutelako herrigunean aparkatzeko aukera; gainerako ez-egoilarrek ez bezala.
Butroeko gazteluaren zaharberritzea azken fasean sartu da, eta uda baino lehen amaituko dituzte lanak
2024an hasitako lanek egitura-arazo nagusiak konpondu dituzte, eta gaur egun barruko akaberen fasean dago obra.
Osakidetzak telerrehabilitazio zerbitzua jarriko du martxan, aurrez aurreko eta online saioak uztartzen dituen eredu hibridoa
Sorbaldako, lunbarreko eta lepoko patologia duten gaixoak izango dira telerrehabilitzazioa jasotzen lehendabizikoak. Araban hasiko da oraingoz, baina asmoa da lurralde guztietara zabaltzea.
Martxan da Astigarraga ospitaleekin eta unibertsitateekin lotzen dituen Lurraldebus BU14ren linea berria
Lineak astelehenetik ostiralera emango du zerbitzua, orduero. Lehen bidaia 07:15ean aterako da, Astigarragatik, eta, azkena, 21:25ean. Kontrako noranzkoan, lehen autobusa 08:00etan aterako da unibertsitateetatik, eta azkena, 22:00etan.
Zabalik da Haurreskolak Partzuergoko ikastetxeetan izena emateko epea
Familiek eskabidea online zein aurrez aurre aurkeztu ahal izango dute, haur-eskolen sare publikoko edozein ikastetxetan, lehentasunaren arabera ordenaturik, maiatzaren 4ra bitartean. Behin betiko zerrendak ekainaren 26an argitaratuko dira.
Albiste izango dira: Emakume baten heriotza Iruñean, Magyarrek supergehiengoa lortu du Hungarian eta Trumpek Ormuzen blokeoa iragarri du
Gaurkoan Orain-en albiste izango direnen laburpena, bi hitzetan.
54 urteko motor gidari bat hil da AP-8 autobidean, Zarautzen
Ezbeharra 09:00ak aldera jazo da, Bilborako noranzkoan. Ertzaintzak ikerketa abiatu du istripuaren nondik norakoak argitzeko.
Etxera itzuli dira Ordizian su hartu zuen eraikineko bizilagunak
Bi familia, baina, ezin izan dira etxera bueltatu, suak belztuta utzi baitu haien etxebizitza. Ilunpe tabernan ere kalte handiak eragin ditu suteak. Hodi bat hautsi da, eta ura etengabe erori omen da bertara.