Uda ate joka dela ondo igarriko da asteburuan, eguzkia, beroa eta abisu horia baitakartza berekin
Zeru urdinak eta tenperatura beroak nagusi izango dira Euskal Herri osoan gaurtik gutxienez igandera arte. Gaur, hegoaldean batez ere, berotzen hasiko da, eta larunbatean eta igandean, aise gaindituko dira 30 ºC-ko tenperaturak lurralde guztietan. Kostaldean, abisu horia egongo da indarrean tenperatura altuak espero direlako.
Donejakue bidean, Zambranan (Araba). Argazkia: Yolanda Granados.
Ostiralean, udaberri giroko eguraldia izango da: egun eguzkitsua eta epel-beroa, barnealdean batez ere. Egunsentiko behe lainoa desegin ostean, eguzkitsu geldituko da eguna. 10 ºC inguruko tenperaturekin abiatuko da, baita freskoago ere, Gasteiz inguruan, esaterako (7 ºC); baina, hegoaldeko haizeak lagundurik, tenperaturek koskatxo bat egingo dute gora, barnealdean bereziki, eta 26-30 ºC-raino igoko dira. Kosta inguruan, brisa izango da, eta 23-24 ºC-tan joko dute goia termometroek. Arratsaldean, brisa hori barnealdera zabalduz joango da.
Larunbatean, hego haizearen eraginez, tenperaturak nabarmen egingo du gora. Maximoak 30 ºC-tik gora geldituko dira ia lurralde osoan, eta 35 ºC-ra ere iritsi daitezke Bizkaia eta Gipuzkoa barnealdeko zenbait lekutan. Egunsentiko behe lainoak desegin ostean, eguzkitsu geldituko da, goi hodei batzuekin. Haizea hego-ekialdetik ibiliko da, bolada gogor batzuekin mendi inguruetan. Arratsaldean, kostaldean, ekialdetik finkatuko da haizea, eta itsasertzeko zenbait tokitan beroa zertxobait arinduko du.
Igandea ere eguzkitsua eta beroa izango da. Baliteke kostaldean brisaren ondorioz maximoak koska pare bat jaistea, baina gainerako lekuetan larunbateko balioak errepika daitezke. Zerua ia oskarbi egongo da goizean goizetik, goi hodei batzuekin. Hala ere, arratsaldean baliteke bero hodei batzuk garatzea barnealdean eta lekuren batean trumoi ekaitzak jotzea, hegoaldean bereziki. Haizeak hegoaldetik joko du ahul, eguerdian brisa altxatuko du kostaldean eta barnealdera zabalduko da arratsaldean.
Abisu horia tenperatura altuengatik
Eusko Jaurlaritzako Segurtasun Sailak abisu horia ezarriko du asteburu honetan muturreko tenperatura altuengatik, 34 gradura ere irits daitezkeelako.
Abisua larunbateko eta igandeko 13:00etatik 20:00etara egongo da indarrean Bizkaia eta Gipuzkoako kostaldean, non 30 ºC-ra irits daitezkeen termometroak, bai eta Kantauri isurialdeko barnealdea, ere, 34 gradu arteko tenperaturak aurreikusten baitira.
Nafarroan ere abisu horia ezarriko du Aemet-ek, zehazki Erriberan, larunbateko 15:00etatik 21:00etara.
Zure interesekoa izan daiteke
Tenperaturak goranzko bidean Euskal Herrian asteburuari agur esateko
Goizeko lehen orduetan, behe-hodeiak eta behe-lainoa agertuko dira ohiko lekuetan. Orduak igaro ahala, ordea, desagertu egingo dira, eta eguraldi atsegina izango dugu, orokorrean. Tenperatura maximoak igotzen joango dira egunez egun: igandean, 25 ºC ingurura iritsiko dira kostaldean eta 30 ºC-tik gora ibiliko dira barnealdean.
Hondartzarako girorik ez, baina tenperatura atseginak ia aste osoan
Aste beroa eta eguzkitsua izango ez bada ere, oraindik mahuka hutsean ibiltzeko aukera izango dugu datozen egunetan; asteazkenean salbu. Euria nonahi eta tenperatura freskoak izango ditugu orduan Euskal Herri osoan.
Abisu horia bero handiagatik igandean ere
35 ºC inguruko tenperaturak espero dira barnealdean. Kostan, berriz, ez dago abisurik, eta tenperaturak 30 ºCtik behera kokatuko dira.
Beroa nagusi igandera arte: 30 ºC-tik gora gaurtik aurrera Euskal Herrian
Araban, abisu horia egongo da indarrean ostiralean eta larunbatean, muturreko tenperatura oso altuengatik, eta Nafarroan alerta laranja ezarri dute ostiral honetan, beroagatik. Igandean, aldaketa etorriko da.
NBEren arabera, El Niño fenomeno meteorologikoa inoiz izan den handiena izan daiteke
Gertakaria urte honen amaieran iritsiko da puntu gorenera, baina 2027an zehar izango ditu ondorioak, eta datorren urtean munduko batez besteko tenperaturak igotzen lagunduko du.
Bero itogarria Euskal Herrira itzuliko da
Asteazken honetan tenperaturek ez dute aldaketa handirik izan, baina ostegunetik nabarmen igoko dira: termometroak 30 ºC-tik gora kokatuko dira Bilbon, Gasteizen eta Iruñean.
Abuztua bigarren hilabeterik beroena izan da 1970etik, eta mendeko lehorrenetakoa Euskadin
Batez besteko tenperatura ohikoa baino 2,4 °C altuagoa izan da, eta muturreko beroak, lehorteak eta prezipitazio handiek markatu dute hilabetea. Gainera, hainbat fenomeno meteorologikok 17 abisu hori aktibatzea eragin dute.
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.