Tenperatura arinagoak asteburu honetan Euskal Herrian
Tenperatura baxuenak ostiral eta larunbat honetan erregistratuko dira Gasteizen, eta 16 ºC-ra jaitsiko dira. Balio altuenak, aldiz, Laguardian eta Iruñean izango dira, eta 32 ºC-ra helduko dira igandean.
Tenperaturek atseden hartuko dute asteburu honetan Euskadin eta Nafarroan, eta minimoak nabarmen jaitsiko dira. Jaitsiera hori ostiralean eta larunbatean nabarituko da batez ere; igandean, berriz, termometroek gora egingo dute berriro.
Ostiral honetan, bero apur bat gutxiago egingo du. Tenperatura maximoek 2-3 ºC egingo dute behera, eta nahiko atseginak izango dira, 23 eta 28 ºC arteko balioekin. Nafarroa erdi eta hegoaldean altuagoak izango dira. Egunaren hein handi batean hodeiak nagusituko dira eta euri txikia egin dezake tarteka, batez ere Kantauri isurialdean. Iparraldeko haizea nagusituko da eta arratsaldean nabarmenagoa izango da, bereziki Araban.
Larunbatean ez da aldaketa handirik espero. Hodeitza ugariagoa izango da Kantauri isurialdean, eta bertan zirimiria edo euri txikia egin dezake oraindik ere. Mediterraneo isurialdean, aldiz, ostarteak zabalagoak izango dira. Arratsaldeak aurrera egin ahala, hodeitza gutxituz joango da eta giroa argiagoa izango da. Iparraldeko haizeak nagusitzen jarraituko du eta arratsaldean zakar ibiliko da barnealdean. Tenperaturek ia ez dute aldaketarik izango eta aurreko eguneko balio berdintsuak neurtuko dira.
Igandean tenperatura maximoak apur bat igoko dira eta giroa ere argiagoa izango da. Goizaldean eta egunaren hasieran behe-lainoa eta behe-hodeiak sor daitezke, baina goizak aurrera egin ahala desagertu eta giro eguzkitsua nagusituko da. Goizean haizea ahul eta aldakor ibiliko da; arratsaldean, berriz, iparraldetik finkatuko da eta bolada gogor batzuekin, eta giroa freskatzen lagunduko du. Tenperatura maximoak 30 ºC ingurukoak izango dira barnealdean, eta zertxobait baxuagoak kostaldean.
Zure interesekoa izan daiteke
Prest abuztuaren 12ko eklipserako? Hemen, hainbat jakingarri
Europako Espazio Agentziako astrofisikoek abuztuaren 12ko eguzki-eklipse osoa segurtasunez ikusteko gomendioak eman dituzte. Betaurreko homologatuak erabiltzea (eguzkitakoak ez), eklipse osoa denean soilik kentzea, eta mugikorrarekin grabatuz gero, filtroak ipintzea, besteak beste.
Asteartean eta asteazkenean hainbat abisu meteorologiko izango dira Euskal Herriko zati handi batean
Asteartea izango da egunik beroena, eta Ipar Euskal Herria eta Nafarroako erdialdea abisu laranjapean egongo dira. EAEn abisu horia izango da denean, itsasertzean izan ezik.
Hasi da eguraldia aldatzen: tenperatura 10 gradu jaitsi da bat-batean
Hodeitzarekin batera, haizea etorri da, eta horrelako irudiak utzi ditu azken orduotan. Tenperatura 10 gradu jaitsi da hainbat tokitan, eta hondartza batzuk bat-batean hustu dira.
Gau sargoria, 25 ºC-tik gorako tenperaturekin
Arratsaldetik aurrera tenperatura nabarmen jaitsiko da mendebal/ipar-mendebaldeko haize indartsuari esker. Zaparrada trumoitsuak ere espero dira, mendebaldean batez ere.
Tenperatura jaitsiera asteari ekiteko
Dena dela, beroa, izan, izango da: maximoak 30 ºC-tik hurbil egongo dira kostaldean, eta balio altuagoak barnealdean; minimoak, berriz, 19 ºC inguruan geratuko dira.
Tenperatura atseginak asteburua baino lehen; larunbatetik aurrera, berriz ere 40 graduren bueltan
Kostaldean, maximoak 30 gradutik behera mantenduko dira bihar arte, baina larunbatean nabarmen igoko dira.
Tenperatura atsegina kostaldean, 25 º ingururekin, eta bero handia barnealdean, 35º baino gehiagorekin
Giro beroa eta sargoria izango da, gutxienez, ostiralera arte.
Tenperaturak jaitsi egingo dira, baina abisu horia ostegunera arte mantenduko da
Termometroek 37 ºC-ra iritsiko dira Ebro bailaran oraindik ere. Gainerako lekuetan egoera lasaiagoa izango da: altuenak 26 ºC ingurukoak izango dira kostaldean eta 35 ºC-koak trantsizio gunean. Zerua nagusiki eguzkitsu egongo da, han-hemenka hodei batzuekin.
Nola jokatu behar da bero-kolpe baten aurrean?
Beroak estu hartzen gaituenetan, larrialdi zerbitzuak prest daude azkar erantzuteko. Baina, beroari nola aurre egin ikastea garrantzitsua da, eurak ailegatu arte. Adibidez, ura ematea komeni da zorabiatuta dagoenari.