Estatuan baino feminizidio gutxiago izan dira Euskadin eta Nafarroan
2010-2015 epealdian, milioi bat emakumeetatik batez beste 4,45 hil zituzten Euskadin. Nafarroan, berriz, 1,55ekoa izan zen tasa hori. Feminizidioak eta erailketak kontuan hartzen dituen datu horien arabera, aztertutako epe horretan Estatuan baino feminizidio gutxiago izan ziren Hego Euskal Herrian. Sei urtean, batez beste, 4,78 kasu erregistratu ziren Espainian.
Feminicidio.net eta Mugarik Gabe Gobernuz Kanpoko Erakundeek (GKE) "Feminizidioa Euskadin eta Nafarroan 2010-2015" ikerlana aurkeztu dute astearte honetan Gasteizen. Egitasmo horrek sei urtean izandako feminizidioak eta erailketa guztiak hartu ditu kontuan; hau da, bikotekideek edo bikotekide ohiek hil dituzten emakumeez gain, senideek hil dituzten emakumeak ere izan dituzte kontuan.
Aztertutako epe horretan, 33 feminizidio izan ziren Euskadin eta Nafarroan. Horietatik, 14 emakume (% 52) bikotekideek edo bikotekide ohiek hil zituzten, lau seme-alabek eta beste kasu batean biloba izan zen hiltzailea. Denbora horretan hildako hiru neskatoei dagokienez, bi kasutan haien aita izan zen hiltzailea.
Sei urtean Hego Euskal Herrian erregistratu diren feminizidioak. Argazkia: www.feminicidio.net
Hildako emakumeak 44 urte zituen batez beste, eta kasuen % 76ari dagokionez, espainiar herritartasuna zuten.
Hiltzaileei dagokienez, batez beste 39 urte zituzten eta gehiengoek ere (% 67) espainiar herritartasuna zuten.
Indarkeria matxistak "instituzioen agenda politikoetan, beste elkarteenetan zein oro har jendartean lehentasunezko gai izan dadin" ekarpen bat egin nahi du ikerlanak. Ildo horretatik, indarkeria matxistari aurre egin ahal izateko haien esku dagoen guztia egin dezaten eskatu diete hedabideei.
Halaber, hedabideetan gaiari emandako tratamendua gaitzetsi dute bi erakundeek. "Adierazpen askatasuna goratu egiten da biktimen kontaketen testuinguruetan, biktimak biktimago bilakatuz, erruduntzat jo eta haien adierazpenak zalantzan jartzen baitira".
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
uzten fakturan.Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.