DBE errentaren defentsan manifestatu dira Bilboko kaleetatik
Bi mila pertsonatik gora bildu dira larunbat arratsaldean Bilboko kaleetan Euskal Herriko Eskubide Sozialen Kartak egindako deialdiari erantzun eta Diru-sarrerak Bermatzeko Errentan (DBE) izandako "murrizketen" aurka protestatzeko.
Manifestazioan izan dira ELA eta LAB sindikatuetako idazkari nagusiak ere, Txiki Muñoz eta Ainhoa Etxaide, hurrenez hurren.
Manifestariak 17:30ean atera dira Jesusen Bihotza plaza inguruetatik "Eskubide sozialen defentsan. DBE errentaren murrizketen aurka".
Antolatzaileen izenean Carlos Askuncek hitz egin du. "Azken 5 urteetan laguntza sozialetan izandako murrizketak eta DBE errenta eskuratzeko oztopoak bertan behera uztea" eskatu du Ascuncek. Baita ere laguntza hori Lanbide arteko Gutxieneko Soldataren pare igo dadila, hau da, % 8, eta, azkenik, laguntza hori jasotzen dutenak "kriminalizatzea eta estigmatizatzeari uztea".
Bere aldetik, Txiki Muñozek Eusko Jaurlaritzari eskatu dio gizarte politikak bere lehentasun bihur daitezela. Zentzu horretan, kritikatu egin du EAEn elkarrekin gobernatzen duten EAJk eta PSE-EEk "nahiago izatea" PPrekin, "ustelkeriaren alderdiarekin eta DBE kriminalizatu duenarekin" aurrekontuak adostea.
Ainhoa Etxaidek hitzetan, "gizartean gero eta gutxiago inbertitzen denean eta gastu sozialen zenbatekoa gero eta txikiagoa denean, mobilizazioa soziala da esku artean daukagun tresna bakarra beren politika alda dezaten behartzeko".
Manifestazioan parte hartu dute ere Bilbon martxoaren 24tik gose greban dauden bost pertsonak (zortzik ekin zioten), eta Eusko Jaurlaritzari eskatu diote "bertan behera uztea DBE errentan murrizketak eragiten dituen egungo politika eta bere legea betetzea".
Zure interesekoa izan daiteke
Berbaz eta kantuz eman diote hauspoa euskarari euskalgintzako hainbat eragilek
Aktore, musikari zein bertsolariak igo dira oholtza gainera euskararen aldeko ekitaldian, eta ikuskizun musikatua eskaini dute Gorka Urbizuk, Maia Ibarnek eta Gontzal Mendibilek, besteak beste. Ane Labaka eta Sustrai Colina bertsolariak ere izan dira taula gainean. Txalo zaparrada batekin eta kantuan bukatu dute aldarrikapen artean abiatu den hitzordua.
Milaka lagun bildu ditu Euskalgintzaren Kontseiluak Bilbon, euskararen aldeko pizkundearen akuilu izan daitezen
Euskararen aldeko pizkunde berri baten premia gizarteratzea eta hizkuntza-politiketan jauzia emateko adostasun soziopolitikoa bultzatzea helburu duen ekitaldia egin dute Bilbao Arenan. 2026ko ekainaren 13rako hitzordua ere jarri dute euskaltzaleek.
23 urteko emakume bat desagertu da Donostian, eta Ertzaintzak ikerketa zabaldu du
Asteazkenean ikusi zuten azkenekoz, Gabon gauean, eta familiak ostiralean aurkeztu zuen salaketa.
Bost urte dira COVID-19aren aurkako lehen txertoak jarri zituztenetik
Bizkaian txertoa jaso zuen lehen emakumea eta txertoa jarri zion erizaina elkartu ditu EITBk, bosgarren urteurrenean. Ikusmina, beldurra, itxaropena eta mesfidantza agerikoak ziren orduan, bizitzen ari ginenarekin zerbait historikoa baitzen. Txertoak iritsita, egoera hobetzen joan zen. Une haiek gogoratu dituzte Begoñak, Itxasok eta Jorgek.
Animaliarik gabeko azoka egin dute Elgoibarren, dermatosi nodularraren ondoriozko debekua berriro ezarri ondoren
Dermatosi nodularrak kezka sortzen jarraitzen du lehen sektorean. Euskal Herrian ez da oraingoz kasurik atzeman, baina Frantzian kasuak ugaritzen ari direla eta, prebentzio modura, ferietan abereak azaltzea debekatu dute berriro. Eta neurri hori betetzen lehen azoka, Elgoibarko Gabon Zaharrekoa izan da.
Espetxeratu egin dute Azkoitian Gabon gauean sexu-erasoa egiten saiatzeagatik atxilotutako gizona
Guardiako epailearen aurrean deklaratu ondoren, epaileak badaezpada espetxeratzeko agindu zuen, sexu-eraso saiakera egotzita.
Idurre Eskisabel: “Euskarak larrialdi linguistikoan jarraituko du ezer egiten ez bada, baina badu irtenbidea”
Euskarak gaur egun bizi duen larrialdi linguistikoa gorabehera, Idurre Eskisabel Euskalgintzaren Kontseiluko idazkari nagusiak azpimarratu du egoerak irtenbidea duela. Euskararekiko atxikimendu soziala funtsezko faktorea dela nabarmendu du, baina norbanakoaren konpromisoa ezinbestekoa den arren, berez ez dela nahikoa eta erantzun estruktural eta politika publiko sendoak behar direla azpimarratu du.
Coruñako aireportua zabaldu dute, pistan basurde bat ikusi ostean hainbat orduz itxita egon eta gero
Madrildik eta Milandik abiatu eta Galiziako aireportuan lur hartu behar zuten bi hegaldi beste aireportu batzuetara bideratu dituzte, eta beste bi aireratzeko baimena noiz emango zain geratu dira.
Behe-lainoak zaildu egin du aireko trafikoa Loiun, eta sei hegaldi desbideratu dituzte
Bost hegaldi Santanderrera desbideratu dituzte, Loiu-Barajas konexio bat bertan behera geratu da, eta atzerapenak izan dira beste hiru hegalditan.
Arrasaten erositako txartel bati egokitu zaio Euromillonesen 54 milioi euroko saria
Txartela Arrasateko 66455 loteria administrazioko bulegoan saldu zuten, Musakola auzoko Eroski merkataritza zentroan.