Ibarren kontrako lekukoaren testigantza dudan jarri du aditu batek
Pablo Ibar euskal jatorriko presoaren kontrako epaiketa berria abiatu baino lehen, bi eguneko saioa egiten ari dira Floridako epaitegian (atzo, lehena; gaur, bigarrena). Epaileak hainbat froga eta lekuko onartzen dituen erabaki behar du. Atzo egindakoan, Ronald Fisher psikologo eta taldeko identifikazio saioetan adituak deklaratu zuen, defentsak eskatuta. Fisherren esanetan, aurreko epaiketan Pablo Ibarren kontrako lekuko garrantzitsuena euskal jatorriko gizona identifikatzera bultzatu zuen Poliziak, "nahigabe edo nahita".
1994an hiru pertsona hiltzeagatik heriotza-zigorra ezarri zioten Ibarri 2000. urtean. Iaz, haren kontra zeuden frogak "ahulak eta urriak" zirela onartuta, epaia bertan behera utzi eta beste epaiketa bat egitea agindu zuen Floridako Gorte Gorenak.
Bi izan ziren Ibarren kontrako froga nagusiak. Segurtasun-kamerek grabatutako irudi batzuk, eta hildako emakumeetako baten auzokoak Ibar identifikatu izana. Azken froga hori baliogabetzeko ahaleginak egiten ari da Pablo Ibarren defentsa, eta horretarako deitu zuen deklaratzera Fisher aditua.
Gary Foy lekukoak epaiketan esan zuenez, Ibar omen zen hilketa gertatu zen etxetik kotxean atera zen gizonetako bat. Ronald Fisherren esanetan, Poliziak Ibar identifikatzera bultzatu zuen Foy.
Adituaren esanetan, taldeko identifikazio saioan 20 urteko hiru gazteren artean jarri zuten Ibar, eta horrela hura identifikatzera bultzatu zuten Foy. Gainera, identifikazioa bermatze aldera gerora eman zizkioten argazkietan Ibar eta beste gizon bat bakarrik ageri ziren bizarra kendu gabe, eta horrek "identifikazio artifiziala" egiten lagundu zuen, horren ustez.
Fiskalak gogor egin zuen psikologoaren kontra, eta Fisherren azalpenak "interpretazioak eta espekulazioak" zirela nabarmendu zuen.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.