Argindarra kendu dute Errekaleor auzo okupan, eta 3 lagun atxilotu dituzte
Ertzaintzaren hainbat patruila Errekaleor auzo okupatuan (Gasteiz) azaldu dira goizean "argindarrarekin lotutako hainbat lan" egin behar zituzten Iberdrolako langileekin batera. Gerora jakin denez, "arautu gabeko elektrizitate harguneak" kentzea izan da euren asmoa.
Iberdrolako iturriek jakitera eman dutenez, Eusko Jaurlaritzako Industria Sailetik aipatu harguneak desgaitzeko agindua jaso dute "istripu elektrikoren bat gertatzeko dagoen arriskuagatik"; izan ere, dagoen instalazioak ez du segurtasun-neurriak betetzen dituela egiaztatzen duen ziurtagiririk.
"Istripuak ekiditeko joan gara, legez kanpo baitaude sarera lotuta eta ez dute instalazio elektrikoaren ziurtagiririk, ez dituzte betetzen baldintza teknikoak, ezta segurtasunezkoa ere. Horrez gain, Eusko Jaurlaritzako Industria Sailetik bi errekerimendu daude argi indarra eteteko, pertsonentzat eta higiezinentzat arriskutsuak izan daitezkeen egoerak saihesteko asmoz", nabarmendu dute Iberdrolatik.
Iberdrolako teknikari bat Errekaleorreko elektrizitate harguneak kentzen. Argazkia: EFE
Hiru atxilotu
Autogestionatutako proiektua "arriskuan" egon zitekeela iritzita, 100 bat gazte auzoko eraikin baten aurrean jesarri dira, teknikariak sar ez zitezen. Bildutakoak ateratzen hasi da Ertzaintza, eta hiru pertsona atxilotu ditu, agenteei eraso egitea eta erresistentzia agertzea egotzita, Segurtasun Sailak eitb.eus-i jakinarazi dionez.
Errekaleor Bizirik taldeko bozeramaile baten esanetan, Iberdrolako langileak "argindar hornidura etetera" joan direla susmatuta, hori saihesteko asmoz, "erresistentzia baketsurako deia" egin dute. Gazte talde bat eraikinaren aurrean eseri da, eta batzuk kateatu egin dira.
Segurtasun Saileko iturrien arabera, hiru gazte atxilotu dituzte agenteei eraso egitea eta erresistentzia agertzea leporatuta. Horrez gain, beste bi ikerketapean jarri, eta hainbat identifikatu dituzte.
Hainbat gazte protestan, Errekaleorren. Argazkia: EFE
Ertzaintzak auzorako sarbidea itxi du, eta, zenbait kazetarik salatu dutenez, ez diete bertatik bertara informatzen utzi. Eguerdiko 14:30ean Ertzaintza oraindik bertan zegoen, Iberdrolako teknikariek euren lana noiz bukatuko zain.
2016ko martxotik, Udalarenak dira Errekaleorreko eraikinak, eta horiek husteko auzibidea abiatuta du Gorka Urtaranek zuzentzen duen erakundeak. 2013ko irailetik auzoko 24 atari okupatuta daude, eta 130 pertsona bizi dira bertan.
Manifestaziora deitu dute
Errekaleor Bizirik mugimendutik manifestazioa egitera deitu dute gaur arratsaldean, 19:00etan, Andra Maria Zuriaren plaza, gertatutakoaren aurka protesta egiteko.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.