Etxe bakoitzeko gehienez errenta bat ematea proposatu du Jaurlaritzak
Orain arte, diru-sarrerak bermatzeko errentaren (DBE) jasotzaile bat baino gehiago egon zitezkeen etxebizitza berean. Hori aldatu nahi du Eusko Jaurlaritzak, eta laguntzon inguruko araudia erreformatzeko egindako proposamenean, gehienez errenta bat ematea planteatu du.
Beatriz Artolazabal Enplegu eta Gizarte Politiketako sailburuak gaur aurkeztu du erreformaren proposamena, Eusko Legebiltzarrak maiatzean egindako galdeari men eginez.
Proposamenean 15 aldaketa zehatz eta bost araudi moldaketa jaso ditu Jaurlaritzak. Neurri esanguratsuena etxebizitza bakoitzeko jaso daitezkeen errenta kopuruari dagokio. Orain arte, jasotzaile bat baino gehiago egon zitekeen bizileku berean. "Salbuespenak salbuespen" eta jasotzaileak senide diren gorabehera, bakarra izatea nahi du Urkulluren gobernuak aurrerantzean.
Gehienez, bat
Eman beharreko diru-laguntzen zenbatekoari dagokionez, honako eredua proposatu du Artolazabalek: oinarri bat, 450 eurokoa, eta osagarriak ematea. Eskatzailea bakarra bada, 650 euro jasoko ditu; bikote batek, 810 euro, eta bi seme-alaba adingabe dituen bikoteak, 1.014. Gurasobakarrekoek, ezintasunen bat dutenek eta indarkeria matxistaren biktima direnek 100 euroko osagarria izango dute.
Gehienez 1.200 euro kobratu ahalko dira familiako (egun indarrean dagoen araudiaren antzeko kopurua da).
Bizilekua eta onsasunak
Era berean, diru-sarrerak bermatzeko laguntzaren jasotzaileek benetako bizilekua zein den frogatu beharko dute Euskadin, gutxienez hiru urtekoa, Jaurlaritzak ematen duen laguntza ekonomiko hori eskuratu ahal izateko. Dena dela, 18 urte bete ez dituzten seme-alabak izanez gero, nahikoa izango da bi urteko etxebizitza zein izan den frogatzea.
Alabaina, gainontzeko kasuetan ez da aldaketarik egingo, eta diru-sarrerak bermatzeko errenta eskatzen dutenek 24 hilabetez haien benetako etxebizitza zein izan den frogatu beharko dute. Edonola ere, errefuxiatuen eta asilo eskaera egiten duten pertsonen kasuan ez da beharrezkoa izango baldintza hori betetzea.
Beatriz Artolazabal, Batzorderako bidean. Argazkia: EFE
Irregulartasunak
Era beran, jasotzaileen ondarea aintzat hartzeko orduan ere aldaketak izango dira. Orain arte, ohiko etxebizitzaz aparte, ezin zen eduki beste ondarerik, nahiz eta balio txikikoa izan. Aurrerantzean, ondasunen benetako balioari erreparatuko zaio.
Iruzurrari dagokionez, Eusko Jaurlaritzak errenta zertan gastatzen den jakiteko neurriak jarri nahi ditu indarrean, eta erabilera txarra eginez gero, laguntza kendu. Dena dela, erraztasunak ezarriko ditu laguntzak emateko prozesuan.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.