Manifestazio jendetsua egin dute Gasteizen Errekaleor auzoaren alde
Milaka lagunek babestu dute gaur arratsaldean Errekaleor auzo okupatuaren alde Gasteizen egin den manifestazioa, Udalak hura eraisteko duen asmoari aurre egiteko.
Manifestazioa hasi baino ordu erdi aurretik, hainbat gizarte mugimendutako 13 zutabe hiriburuko beste hainbeste gunetatik abiatu dira Andra Maria Zuriaren plazara iritsi arte. Guztiek bertan bat egin dutenean hasi da manifestazioa, 17:30 pasata, eta Gasteizko kaleak zeharkatu dituzte Errekaleorrera bitarteko ibilbidea egin duten bitartean.
Protesta martxari ekin baino lehen, auzoa eraisteko asmoa bertan behera utzi dezala eskatu diote Gorka Urtaran hiriko alkateari Errekaleorreko bizilagunek.
Horrez gain,auzoan 500 eguzki-panel inguru jartzeko dirua biltzeko asmoz crowdfunding kanpaina bat abiatuko dutela jakinarazi dute, Errekaleor "energetikoki subiranoa" izan dadin.
Kronologia
Industria Sailak eskatuta eta Ertzaintzak babestuta, Iberdrolako teknikariek maiatzaren 18an eten zuten argindarra Errekaleorren, eta 2013tik bertan bizi diren 150 lagun inguru argi gabe geratu ziren.
Handik egun batzuetara, Gorka Urtaran Gasteizko alkateak Errekaleor eraisteko agindua eman zuela plazaratu zuen
Aste honetan bertan, asteazkenez, Gasteizko Udaleko Idazkaritza Nagusiak txosten tekniko bat kaleratu zuen, Errekaleor auzoan argindarra derrigorrean berrezarri behar dela zioena. Ebazpen horren arabera, auzo horretan erroldatuta dauden herritarrei legez dagokien zerbitzua da argiztapen publikoa.
Alabaina, Udaleko iturriek jakitera eman zuten ez dutela Errekaleorren argindarrik jartzeko asmorik, eta farolak pizteko eguzki energia bezalako bestelako aukerak erabiltzea aztertzen dabiltzala.
"Argiteria publikoa iturri ezberdinetatik lor daiteke: elektrizitatetik, eguzki energiatik edo bestelako iturrietatik. Baina Errekaleorren ez dugu argindarrik jarriko, Industria Sailak eta Iberdrolak egindako txostenen arabera, auzo horretako instalazioak ez baitaude horretarako prestatuta", nabarmendu zuten Udaletik.
Zure interesekoa izan daiteke
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.