Gaika bildutako zaborra nahastuta jaso du kamioi batek Azkoitian
Erabiltzaile batek sare sozialen bidez zabaldutako bideoak hautsak harrotu ditu Azkoitian eta inguruan. Zabor bilketarako kamioi batek gaika bereizitako edukiontzietako zaborra dena nahasita jasotzen duela ikus daiteke bideoan.
Azkoitiko Aizpurutxo auzoan hartutako irudiak dira, eta bailaran zabor bilketaren kudeaketaz arduratzen den Urola Erdiko Mankomuniteak oharra kaleratu du, irudiak zabaldu orduko, zaborra modu horretan zergatik bildu den arrazoituz.
Mankomunitatearen arabera, Azkoitiko "landa eremuko" guneetan "2015etik arazo larriak" dituzte, ontzi arinen eta organikoaren edukiontzietan behar ez den hondakin kopuru handia biltzen delako. "Arazo hori konpontzeko hartutako erabakien artean dago landa eremuko ekarpen guneetako (Aizpurutxokoa, adibidez) hondakin mota guztiak errefusarekin biltzea; hainbat azterketen ondorioz, badakigu inpropio gehiago egon ohi dela puntu horietan", esan du enpresak.
Urola Erdiko Mankomunitateak bere oharrean azpimarratzen duenez, Azkoitiko Udalak azpikontratatutako Serbitzu enpresak biltzen du zaborra herri horretan. "Beraz, Azkoitiko Udalaren esku dago, gaur egun, hondakinen bilketaren inguruan egin beharreko jarraipena", gaineratu du.
Egoera bideratzeko lanean ari direla ziurtatu du Urola Erdiko Mankomunitateak : "arazoei irtenbidea emateko Azkoitiko Udalarekin eta herri horretan gaikako bilketa egiten duen Serbitzu enpresarekin adostuta, neurriak hartu izan dira egoera zuzentzeko. Hala, gaur egun, Azkoitiko herriguneko arazoa konpondu bada ere, landa eremuko arazoak mantendu egiten dira".
GHK-k ikertu egingo du
Gipuzkoako Hondakinen Kudeaketak (GHK) iragarri du ikerketa abiatuko duela auzia argitzeko.
Prentsa-ohar batean azaldu duenez, Aizpurutxoko gertakariaz gain, Urola Erdiko Mankomunitateko "beharrezko datu guztiak" bilduko ditu "gertatutako argitzeko eta ardurak, egongo balira, zehazteko".
Dena den, GHK-k gogorarazi du "mankomunitateen eskumena" dela udal-hondakinak jasotzea eta tratatzea.
Albiste gehiago gizartea
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.
Felix Baumgartner austriarra hil da, 2012an estratosferatik jauzi egiteagatik ezaguna, parapente istripu batean
Muturreko desafioak egiteagatik ezaguna, 2012an mundu mailan egin zen ezaguna estratosferatik salto egiteagatik; munduko hiru errekor ezarri zituen horrela, besteak beste, soinuaren hesia ibilgailurik erabili gabe hautsi zuen lehen pertsona izatea.
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.