Zarauzko Azken Portuko jaiak bertan behera, soinu mugengatik
Eztabaida sortu da Zarautzen Azken Portu auzoko jaiak bertan behera geratu ostean. Jai Batzordeak dio Udalak jarritako soinu mugek ez dituztela bermatzen musika taldeentzat oinarriko baldintzak, eta horregatik erabaki dutela jaiak bertan behera uztea. Udalak, berriz, auzokideen elkarbizitza bermatzeko hartutako neurria dela azaldu du.
Atzo hasi ziren auzoko jaiak eta, iluntzeko kontzertuak manten zitezen saiakerak eginda ere, ez zuten lortu musika taldeek baldintzak onartzea.
Auzokideen kexuak tarteko, aurten, soinu muga 92 dezibeliotan ezartzeko agindua eman du Zarauzko Udalak.
Atzo zuten jaiek lehen eguna, eta kontzertua eman behar zuten taldeek musika froga egitean sortu zen arazoa, esan baitzuen muga horrekin ezin zuela kontzerturik eman.
Kontzerturik gabe jaiak bertan behera uztea erabaki dute antolatzaileek; izan ere, egunean zehar antolatzen dituzten jarduerei eusteko, beharrezko dituzte kontzertuek ekarritako diru sarrerak. Oholtzara igo gabe geratuko dira, beraz, Tremenda Jauria, Niña Coyote eta Chico Tornado eta We Are Standard, besteak beste.
Udaletik, jardunean den alkateak, Jesus Aranak (EAJ), esku hartu nahi izan zuen, eta, azaldu digunez, dezibelioen muga igotzeko prest agertu ziren bart, hori bai, beti ere, soinua neurtzeko gailu bat ezarriz.
Udalaren muga salatzeko, jai batzordeak protesta zaratatsua deitu du biharko.
Zure interesekoa izan daiteke
Osasun Ministerioak eta erkidegoek gaur adostuko dute Ceutara txertoak bidaltzea
Bideokonferentzia bidezko bilera izango da, eta puntu bakar bat jorratuko dute, txerto hirukoitz birikoa eta barizelaren, poliomielitisaren, tetanosaren eta difteriaren aurkako txertoak bidaltzearen ingurukoa.
Metro koadroko 15 litro ur bota ditu ordubetean Gipuzkoan
Urola Erdian eta Urola Kostan bizi izan dira kazkabar eta zaparrada gogorrenak. Abisu horia aktibo izan da 22:00ak arte. Astelehena ere egun eguzkitsua eta beroa izango da eta arratsaldetik aurrera ekaitzak izan daitezke berriz ere.
'Bali' baleak jendetza erakarri du beste behin Bilboko kaleetan
‘Bali’ baleak eta haren itsas animalien segizioak beste urte batez ere jendetza erakarri dute Bilboko Kale Nagusiko desfile jendetsu eta tradizionalean. Ekitaldia Aste Nagusiko hitzordu jendetsuenetako bat bihurtu da dagoeneko, eta aurten Txinako Urte Berriari egindako keinuak ere izan ditu
“Hau ez da kultura, hau tortura da” lelopean, protesta egin dute zezenketen aurkakoek Bilbon
“Hau ez da kultura, hau tortura da” lemapean, zezenen aurkako plataformak dozenaka lagun bildu ditu arratsaldean, Bilboko Zezen plazaren aurrean. Aste Nagusiaren barruan zezen korridak egiten dira eta horiekin amaitzea eskatzen dute. Egunero bilduko dira zezen plaza itxi dezaten eskatzeko.
Bi gazte oso larri erreskatatu dituzte La Morea urtegian
Bainulariek atera dute uretatik 20 urteko gizona, eta suhiltzaileek, berriz, 25 urteko emakumea. Bihotz-biriketako bizkortzeko maniobrak egin dizkiete, eta anbulantzia medikalizatuan eraman dituzte Nafarroako Unibertsitate Ospitalera.
Zaparrada trumoitsuek eta kazkabarrak ezustean harrapatu ditu herritarrak Azpeitian, Zarautzen eta Zumaian
Bero izan da goizean goizetik, bero-hodeiak garatu dira Gipuzkoako hainbat tokitan, eta ekaitzak gogor du Urola Kostan arratsalde erdian. Ondoren, ekaitzak Bizkaiko kostalderako bidea hartu du. Zarauzko pilotalekuko sabaia kaltetu du txingorrak eta partida eten behar izan dute.
TicketBAI sistema txosnetan: aurtengo berritasuna, konpartsen kritiken artean
Kontsumizio bakoitzeko tiketa sortu behar dute, gero Ogasunera helarazi behar duten aitorpenarekin alderatu eta kontrol zehatzago bat egin ahal izateko. Konpartsek salatu dutenez, txosnak jarduera ekonomiko profesionala duten enpresen zakuan sartu nahi dituzte.
Milaka pertsonak erantzukizun politikoak eta suteak prebenitzeko baliabide gehiago eskatu dituzte Jakan
Pirinio Duina Mendiaren Duintasunaren aldeko Mugimenduak deitutako manifestazioan, besteak beste, Peñas de Riglos, Cinco Villas eta Leciñenako suteetan aritu diren suhiltzaileak bildu dira.
Bilbon adin guztietarako jarduerak izan dira Aste Nagusiko lehen orduetan
Bizkaiko hiriburuak Aste Nagusiari ekin dio, eta lehen orduetatik jai-giroa da nagusi bertan. Txikienetatik hasi eta helduenetaraino, denek dute zer egin eta zerekin gozatu.
Bederatzi atxilotu Aste Nagusiko lehen egunean, bi ukituengatik eta beste bat genero-indarkeriagatik
Jai-eremuan (Areatza inguruan eta Euskotreneko geltokian) zein handik kanpo izan dira abusuak.