Ertzaintzak senide faltsuaren iruzurraren kasu gehiago atzeman ditu Araban
Azken asteotan, Ertzaintzak "senide faltsua" izeneko iruzurraren kasuak atzeman ditu Arabako zenbait herritan. Gehienetan, edadetuak izaten dira iruzurgileen biktimak. Hilabete batzuetan, hamar kasu detektatu dituzte, eta horietako lautan gauzatu zen iruzurra: guztira, 17.000 euro kendu zizkieten biktimei.
Iruzur hori egiteko, lagun batek dei bat egiten dio biktimari (askotan edadetua izaten da), eta saiatzen da galdetzen ea azken horrek senideren bat duen Latinoamerikan. Handik egun batzuetara, beste dei bat egiten diote biktimari, askotan latinoamerikar doinua erabiliz, eta, haren lagun edo senide bat dela esanda, aireportuan dagoela eta ezin dela bertatik irten esaten dio, edo zirkulazio-istripuren bat izan duela. Istorioak sinesgarritasun handiagoa izateko, iruzurgileak biktimaren datuak ematen dizkio; iruzurgilearen kideren batek lortu ohi ditu, gehienetan aurretik egindako deien bidez. Dei horietan, Espainiatik kanpo bizi litezkeen senideei buruz galdetzen dute.
Jarraian, iruzurgileak diru-kopuru bat uzteko eskatzen dio biktimari, isunen bat ordaintzeko, ibilgailua konpontzeko edo beste zerbaiterako behar duela esanez.
Dirua transferentzia baten bidez bidali behar diola esaten dio senide faltsuak biktimari. Hartzailea, orain arte, beti izan da pertsona ezberdin bat, Ertzaintzak jakin ahal izan duenez. Gehienetan, destino-kontua Mexikon egoten da, ia beti Jaliscon. Deiak Brasildik, Filipinetatik, Japoniatik edo Frantziatik egin ohi dira, deitzailearen telefono-zenbakien aurrezenbakien arabera.
Hamar kasu, ekainetik abuztura bitartean
Araban ekainean atzeman zuten lehen kasua, eta abuztuan izan du eraginik handiena. Hilabete horietan, hamar kasu izan dira, eta lautan dirua kendu diete biktimei. Guztira, 17.000 euro lortu dituzte iruzurgileek, biktimei 1.800 eta 8.400 euro artean eskatuta. Kasu batean, biktimak dirua berreskuratu ahal izan zuen, helmuga deitzaileak esan zion hiria izan beharrean Jalisco zela ikusi baitzuen.
Ertzaintzak emandako aholkuen arabera, horrelako deirik jasoz gero, ez kasurik egin, deitzailearen telefono-zenbakia apuntatu eta salaketa jarri ertzain-etxe batean. Inguruan ditugun adinekoei horren berri ematea ere komeni da; izan ere, horiek izaten dira iruzurgileen jomugarik nagusiena.
Zure interesekoa izan daiteke
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. EAEn ez dago halako eremurik, bai, ordea Nafarroan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzakeen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbaki bakoitzaren atzean istorio desberdin bat dago, beldurra eta isiltasuna protagonista dituena. Ikastetxeetan geroz eta sentsibilizazio handiagoa dago, eta atzemate goiztiarra oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak saria jaso du
Dani Alvarez EITB taldeko kazetariari eman diote Kazetarien Euskal Elkargoaren aurtengo Euskal Kazetariak saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohorea" dela aitortza hori jasotzea. EITBren parte-hartzea duen Natur Bizia ikus-entzunezko lana ere saritu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.