Nafarroa Oinezek milaka euskaltzale eramango ditu Lesakara igandean
Milaka euskaltzale bilduko dira Lesakan igandean, urriaren 15ean, Nafarroa Oinez 2017 festa ospatzeko. Tantirumairu Ikastola arduratu da, aurten, Nafarroako ikastolen jaia antolatzeaz; 1988an ere hala egin zuen ikastola horrek, eta, orain, espero dute bildutako diruarekin eraikin berria egin ahal izatea. Duela ia 30 urte egindako jaiari esker, egun dagoena berritu zuten; baina ia 100 ikasle daude Tantirumairun eta, hortaz, instalazio handiagoak behar dituzte. 1974an ireki zuten eskola-zentroa, zazpi ikaslerekin.
Nafarroa Oinezeko antolatzaileek 3,5 kilometroko ibilbide "erraza eta atsegina" prestatu dute; 4 gune izango ditu, adin guztietarako jarduerekin: Arratzubi gunean txikienak izango dira protagonistak; Bertizenean, aldiz, gaztetxoak; Biurgarai eta Uhartea dira beste biak. Guneak Lesakako industria-eremuan eta baserri auzo batean kokatuko dituzte, eta horrek "herria zer eta nolakoa den" islatuko du, antolatzaileen esanetan.
Foru Erkidegoko ikastolen jaiak dakartzan nobedadeen artean, nabarmentzekoa da pertsona zeliakoentzako janaria eskainiko dutela, lehen aldiz, eta, halaber, edukiontzi bereziak egongo direla eskuragarri zigarro-puntak botatzeko.
10:00etan hasiko da Nafarroa Oinez. Bisitariek garraio publikoaren aldeko apustua egitea nahi dute antolatzaileek, eta, hori dela eta, herriko kanpoaldean eta inguruko herrietan jarriko dituzte aparkalekuak. Autobusak hartu ahalko dituzte aparkaleku horietan, Lesakara erraz joan ahal izateko.
Festak N 212 A, NA 4000 eta NA 4001 errepideetan izango du eragina, egun osoan. Foruzaingoak ohartarazi du gune korapilatsua dela zirkulaziorako, bide-azpiegituragatik, eta, ondorioz, inbutu-efektua sor liteke; hortaz, gomendatzen dute Leitzarango autobia erabiltzea, Sunbillako tuneletan arreta handiz gidatzea, eta agenteek eta bide-seinaleek diotenari kasu egitea.
Iseo & Dodosound, Xutik eta Bad Sound System, kontzertuetan
Nafarroa Oinez beti gertatzen denez, musika izango da protagonista festan. Lesakan izango diren artista eta taldeen zerrenda luzea eta interesgarria da: Iseo & Dodosound bikotea, Xutik, Bad Sound System, Oihan Vega, Oreka TX, Petti?
Lauki honetan dago zehaztuta zein kontzertu egongo diren Nafarroa Oinezen:
HIRU3 ere egongo da bertan
HIRU3k gune bat atonduko du Lesakako Nafarroa Oinezen, eta hainbat ekitaldi prestatu dituzte gaztetxoenen gozagarri. Zehazki, Arratzubi izeneko 1 gunean, Gorritxo galtzagorria umeak agurtzen egongo da. Gainera, Gorritxorekin zein "3txulo" saioko pertsonaien irudiarekin argazkiak ateratzeko aukera ere izango dute txikiek. Bestalde, 13:00etan, HIRU3 kanta dantza! ekitaldia eskainiko dute 2kendi eta 4roba 3TXULO saioko 2ttor eta 4raren lagunek.
Horrez gain, haurrak EiTBren Hiru3 ume eta gaztetxoentzako klubaren kide egin ahalko dira jaian bertan. Handik egun batzuetara jasoko dute ongietorria emateko eskutitza, eta Hiru3ko bazkide izateagatik hainbat abantaila edukiko dituzte.
Argazkiak, webgunean ikusgai
Nafarroa Oinez festan ateratako argazkiak HIRU3 webgunean jarriko dituzte ikusgai.
EiTBk, aurreko urteetan bezala, euskararen eta hezkuntzaren aldeko jaien berri emango egingo du bere hedabideetan, eta horien inguruan jazotzen den guztia kontatuko du.
Zure interesekoa izan daiteke
Azpeitiko sutean kaltetutako bi lagunei alta eman eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Orain, Udaleko teknikariek eraikinaren egoera aztertuko dute, hartu beharreko neurriak zehazteko eta sutea zerk eragin duen ikertzeko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.