Jon Barcena Berrizko gaztearen motxila eta arropa aurkitu dituzte
Jon Barcenaren motxila aurkitu dute arratsaldean, Urrunagako urtegitik (Legutio, Araba) gertu, Josu Zubiaga Segurtasun sailburuordeak ETBn baieztatu duenez. Iragan larunbatean, Gorbeian, desagertutako gaztea bilatzeko lanean jarraitzen dute.
Gazte bizkaitarraren botak eta jantziak goizean agertu diren tokitik hurbil topatu dute motxila, Ertzaintzak zehaztu duenez.
Bigarren egunez, Urrunagako urtegia arakatzen dabil Ertzaintza, Jon Barcena Berrizko 19 urteko mutila topatu nahian. Gaztea inguruan izan zela jakin badakite orain: bizilagun batek esan du igandean ikusi zuela mutikoa.
Hain justu, Urrunagako urtegian bertan, kasuaren inguruko azken berriak azaldu ditu Segurtasun sailburuordeak. Bi dira nobedade nagusiak: gaztearen arropak urtegiaren kanpoaldean topatu dituztela, eta lekuko batek Barcena ikusi zuela igandean.
Halaber, Barcena urtegitik gertu dagoen etxola batean egon zela uste dute ikertzaileek. Zubiagak zehaztu duenez, etxola horretara iristea ez da erraza.
Antza, gaztearen zapatilak urtegiaren kanpoaldean aurkitu dute. Bilaketa, dena dela, urtegiaren barruan eta kanpoaldean ari dira bideratzen, eta aukera guztiak zabalik daude. "Bizirik topatuko dugun itxaropena dugu", erantsi du Zubiaga sailburordeak.
Bilaketa lanak bertan behera utzi behar izan dituzte iluntzean, 18:30 aldera, baina ostiral honetan, goizean, berriro bilatzeari ekingo dio dispositiboak, Ertzaintzak jakitera eman duenez.
Larunbatetik desagertuta
Ertzaintzaren mendi eta urpekari taldeak ari dira bilaketa lanetan. Atzo ere jardun zuten, 18:00ak arte, baina ez zuten gaztearen arrastorik atzeman. Inguru horretan aurkitu dituzte Barcenaren objektu pertsona batzuk (diru-zorroa eta giltzak), eta horregatik lekualdatu dute bilaketa.
Hiru egunez Gorbeian bilatu zuten Barcena. Atzo, baina, gune horretatik kanpo zegoela adierazten zuten "zantzuak" azalduta, Urrunagako urtegian bilatzeari ekin zioten.
19 urteko gaztea larunbatean desagertu zen, Gorbeiara lagunekin joan eta gero. Antza, bide erdian ondoezik sentitu zen, eta buelta ematea erabaki zuen. Autoa aparkatuta zuten lekura itzultzean ohartu ziren lagunak Barcena han ez zela, eta 19:00ak aldera larrialdi zerbitzuei deitu zieten. Ordutik, gaztearen bila dabiltza.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista berri honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok bat koordinakundeak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.