Aniztasuna 'balioa' izatea eskatu dute Iruñean, Ekairen omenaldi ekitaldian
Ehunka lagun bildu dira gaur Iruñean, Ekai, aste honetan hil den gazte transexualari azken agurra emateko ekitaldian. Lore eskaintza egin dute eta ondoren irakurritako manifestuan, gizarteak aniztasuna "balio" gisa onartzeko eskatu dute.
12:00etan izan da kontzentrazioa Udaletxe Plazan "Ekai, Nafarroa zurekin" leloa zeraman pankarta baten inguruan. 10 minutuko isilunea egin dute aurrena, eta lore eskaintza egin dute ondoren. Bertan izan dira, besteak beste, Laura Berro (Aranzadi), Patricia Perales eta Aritz Romeo (EHBildu) Iruñeko Udaleko zinegotziak, Eduardo Santos Nafarroako Podemosen idazkari nagusia, Koldo Martinez Geroa Baiko parlamentarioa eta Mertxe Leranoz Berdintasunerako Nafarroako Institutoko zuzendaria.
Kattalingorri eta Transkolore elkarteetako bi kidek manifestua irakurri dute Ekairen senide eta lagunei euren "maitasun eta babes" guztia eskainiz eta Ondarroako gaztearen heriotza "bizitzea tokatu zaigun gizarte transfoboaren ondorio" izan dela salatu dute. "Honek mina eta injustizia sentimentu handia sortzen digu, bizitza osoa baitzuen aurretik" esan dute.
Hau ez dela kasu bakan bat uste dute, "izateko era zurrunak" ezartzen dituen "sistema zapaltzaile" baten ondorio baizik. Eta horregatik, "babestuko gaituzten legeak, kasu egingo diguten hezkuntza eta osasun sistemak eta administrazioaren traba guztiak desagertzea" eskatu dute, autodeterminatu eta libre bizi ahal izateko.
Gizartea aldatzen ari dela aitortu dute, eta "Ekairena bezalako familia zoragarriak badaudela" onartu dute, "euren seme eta alabak ulertzen eta laguntzen saiatzen diren familiak". Hala ere, oraindik ere "bide luzea falta da guztiok gizarte honetan tokia izan dezagun" zehaztu dute. "Gizarte justuago bat eraiki nahi dugu, aniztasuna balio bat izango dena, eta ez aurre egiteko zerbait" amaitu dute.
Ekairen aitak mezua idatzi dio sare sozialetan
Atzo Ondarroan egin zioten omenaldia Ekairi. Ehunka lagunek hartu ztuen parte Chrysallis Euskal Herria adin txikiko transexualen familien elkarteak deitutako kontzentrazioan.
Gaur, bere aita Elaxar Lersundik mezu hunkigarria zabaldu du sare sozialetan semearen gaitasunak goraipatuz eta haren heriotzak gutxienez "atzetik etorriko direnen bidea errazten" lagunduko duen esperantza agertuz.
Zure interesekoa izan daiteke
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.