Donostiako Asanblada Feministak hainbat ekintza antolatu ditu martxoaren 8rako
Donostiako Asanblada Feministak egitarau zabala antolatu du martxoaren 8ko deituta dagoen greba feministaren harira. Lanean, hezkuntzan, zaintzan eta kontsumoan eragina izateko asmoz sortutako deialdia da, "egungo sistema patriarkatuak emakumeak zokoratu eta kontsumorako objektu" bihurtzen dituela salatzeko.
Antolatutako ekintza horien guztien artetik nabarmentzekoak dira, besteak beste, Amaratik erdigunera egingo den "bizikleta saio desobedientea", "taperfesta" Gipuzkoa plazan, kontzentrazioa, manifestazioa eta itxiera jaia Guardetxen.
Gaur goizean egindako prentsaurrekoan Donostiako Asanblada Feministak iragarri duenez, lanuzte deialdiarekin bat egingo du "argi eta garbi uzteko emakumerik gabe sistema honek ez duela funtzionatzen".
Halaber, grebarekin bat egiteaz gain, "ugalketa lanak" ez egiteko, erosketak ez egiteko ("lan esplotazioaren sinbolo" diren merkatalgune handietan bereziki), balkoi eta leihoetan mantalak zintzilikatzeko eta besoko morea jartzeko eskatu diete emakume donostiarrei.
Bestalde, "gizon aliatuei" eskatu diete beren gain hartu ditzatela "zaintza lanak", beren bikotekideen greba eskubidea defendatu dezatela, kontsumitzeari utz diezaiotela eta mugimendu feminista babestu dezatela egun horretako beren soldata erresistentzia kutxari dohaintzan emanez. Arratsaldeko mobilizazioetara joanez gero, ostera, bigarren planoan gelditzeko eta emakumeei agindurik ez emateko eskatu die.
EKITALDIAK
Donostiako Asanblada Feministako ordezkariek azaldu dutenez, goiz erdian "bizikleta saio desobedientea" egingo dute Amaratik erdigunera, gero etxeko langileak udaletxe parean egingo den kontzentrazioan parte hartzera deitu dituzte, eguerdian eserialdia egingo dute Boulevardean eta segidan performance bat Konstituzio plazan. Bazkalordurako "taperfest" bat antolatu dute Gipuzkoa plazan eta bazkalosterako, berriz, ginkana bat. Indarrak hartu ostean, zutabeak aterako dira hiriko hainbat tokitatik harik eta Boulevardean elkartu arte. Egunari amaiera emateko, itxiera jaia egingo dute Guardetxen.
Zure interesekoa izan daiteke
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.