Martxoaren 8an grebara jotzeko deia egin die Mugimendu Feministak emakumeei
Euskal Herriko Mugimendu Feministak bat egin du datorren martxoaren 8an nazioarteko 70 herrialdetan deitutako grebarekin. Horrela bada, lanuzteak egingo dituzte, ez bakarrik lan esparruan, baita zaintza alorrean, ikastetxeetan eta kontsumo esparruan ere.
"Zer gertatuko litzateke emakumeok egiten duguna egiteari utziko bagenio? Ez gara lan asalariatuaz soilik ari, sostengu afektiboa, dependentzia duten pertsonen zaintza lanak, hezkuntza, biziraupenerako nekazaritza... Zer gertatzen da sistema honek ezkutatu nahi duen lan hori guztia gelditzen bada? Martxoaren 8an ikusiko dugu", adierazi dute ohar baten bidez.
Martxoaren 8an, egunerokotasunean egiten duten guztia egiteari uzteko, grebara jotzeko eta Euskal Herriko hiri eta herrietan antolatutako mobilizazioetan parte hartzeko deia egin die Mugimendu Feministak emakume guztiei.
Lau orduko lanuzteak izango dira. Goizean, 11:00etatik 15:00etara, eta arratsaldean, 18:00etatik 22:00etara. Gainera, 12:00etan eta 20:00etan manifestazioak egingo dituzte.
"Sistema kapitalista, arrazista, klasista eta heteropatriarkalak" sexuaren araberako lana bultzatzen duela salatu dute. "Hori gutxi balitz, emakumeek egiten dituzten lanak gutxietsi eta ikusezin bihurtzen dituzte", erantsi dute.
Ildo horretan, gogora ekarri dute emakumeek gizonezkoek baino 7.489 euro gutxiago kobratzen dutela urtean. Halaber, etxean lan egiten duten emakumezkoen % 87 atzerritarrak direla eta herenak lan-kontraturik gabe jarduten duela jakinarazi dute.
"Sistema honek gure autonomia ekonomikoa zailtzen du eta horrek gure bizitza pertsonala, soziala eta politikoa kontziliatzea galaraztea dakar", erantsi dute.
Gainera, "berdintasun eza nagusi" dela eta emakumeen kontrako erasoak (hilketak, jazarpena, sexu-erasoak) egunero izaten direla azpimarratu dute.
Gauzak horrela, enpresa mundutik harago, planto egiteko deia luzatu diete emakumeei: "Lan arloan, ikasketetan zein kontsumoan greba egitera animatzen ditugu emakumeak. Proba dezagun zer gertatzen den emakumeok dagozkigun lanak egiteari uzten diogunean. Egin dezagun planto!".
Greba nazioartekoa eta ezohikoa izango dela nabarmendu dute. Hori dela eta, lantokietan lanuzteak egiteaz gain, egunerokoan egiten dituzten lanak ez egiteko eskatu diete emakumeei, hala nola, zaintza lanak, etxeko lanak edota erosketak.
Bestalde, ELA, LAB, STEILAS, ESK, Hiru eta EHNE Bizkaia sindikatuek Euskal Herriko Mugimendu Feministak deitutako grebarekin bat egin dutela jakinarazi dute.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.