Euskaldunen % 89k etxean jasotzen duten uraren kalitatea ona dela uste du
Etxeetara iristen den uraren kalitatea ona edo oso ona dela uste dute euskaldunen % 89k, baina biztanleriaren herena (% 35) baino ez litzateke prest egongo kontsumitutako uragatik gehiago ordaintzera, urak kalitate hobea izateko.
Iñaki Arriola Ingurumen, Lurralde Plangintza eta Etxebizitzako sailburuak gaur goizean aurkeztu du Bilbon, Uraren Mundu Egunarekin bat, uraren inguruan Eusko Jaurlaritzako Prospekzio Soziologikoko Kabineteak egindako txosten bat. Euskadin, otsailaren 14aren eta 16aren artean, 18 urtetik gorako mila bat laguni egindako elkarrizketetatik atera dituzte ondoriok.
% 60k uste du ibai eta aintziren egoera hobea dela gaur egun duela 10 urte baino. Lurraldeen arabera, ibai eta aintziren bilakaeraren balorazio positiboagoa egiten da Gipuzkoan (% 67k hobetu dela uste du), Bizkaian (% 59) eta, batik bat, Araban (% 44) baino.
Bestalde, herritarrek ez dute arazo handirik ikusten uholdeekin (% 55k uste du arazoa ez dela oso larria edo ez dela batere larria) edo lehorteekin (% 72k); eta gehienek uste dute Euskadik nahikoa ur duela bere beharrizanei erantzuteko.
Hamar pertsonatik bederatzik (% 90) uste du Euskadik nahikoa ur duela bere beharrizanei erantzuteko. % 41ek uste du hala izaten jarraituko duela datozen 10 urtean, eta % 31k uste du ur-kopuruak behera egingo duela asko edo nahiko. Ordea, % 12ren ustez baino ez da Euskadin eskuragarri dagoen ura areagotuko datozen urteotan.
Gehienek (% 71) uste dute uraren kontsumo-maila arrunta dutela, baina gehienek uste dute, halaber, kontsumo-maila txikitu dezaketela beren bizi-kalitatea murriztu gabe (% 63), batez ere gazteenen artean.
Bestalde, euskal herritarren % 87 erabat ados (% 64) edo ados (% 23) dago kutsatzen dutenek gehiago ordain dezaten erabiltzen duten uragatik.
Gure ibaietan sortzen den kutsaduraren arduradun direnen harira, % 42k uste du enpresak direla arduradunak, % 15ek herritarrak oro har direla, % 10ek administrazioa eta % 2k nekazaritza eta abeltzaintza. % 26k, ordea, lau talde horiek batera direla arduradun uste du.
Galde-sorta bete duten pertsonen % 72k baieztatu du etxeko olioa birziklatzen duela, eta ia erdiak (% 46) erabiltzen ditu ingurumenarekin errespetuzkoak diren etxeko garbiketa-produktuak. Bestalde, % 17k paper-zati bustiak erabiltzen ditu, eta horietatik herenak baino pixka bat gehiagok komunetik behera botatzen dituzte (% 36). 30 eta 45 urte bitartekoek baieztatu dute gehien beren etxeetan paper-zati bustiak erabiltzen dituztela.
Albiste gehiago gizartea
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.