Leyre Rodriguez ustez hil zuen gizonaren aurkako epaiketa abian, Bilbon
Bizkaiko Probintzia Auzitegiak 2015eko abuztuak 7an Leyre Rodriguez bere emazte ohia ustez hil zuen gizonaren epaiketa abiarazi du gaur. Gizona -dibortziatuta zegoen- emakumea jo eta ondoren autoarekin harrapatu zuen, harrapaketa simulatzeko asmoz.
Fiskaltzak 23 urteko kartzela zigorra eskatu du gizahilketa maltzurkeriaz egitea leporatuta, eta 25 urtekoa Clara Campoamorrek, delitu beragatik, baina astungarriekin: senide izatea eta genero indarkeria delitua, auzitegietatik Europa Press albiste agentziari adierazi diotenez. Gizona ustez hilketa egin eta gero, trenbidera salto egin zuen bere buruaz beste egiteko asmoz, baina ez zen hil.
Hala, gaur epaimahaia osatuko duten kideak hautatu dituzte, eta astelehenean akusatuak deklaratuko du. Ahozko epaiketa apirilaren 18ra arte luzatuko da, aurreikusi dutenez. Epaimahaia bost gizonek eta lau emakumek osatzen dute.
Biktimaren hilotza -34 urte eta bi seme-alaben ama- abuztuaren 8ko lehen orduan topatu zuten, La Peña auzoko errepide batean. Hasieran, istripua izan eta gidariak ihes egin zuela uste izan zuten agenteek.
Abuztuaren 18an senarra deitu zuten, autoa aztertzeko, baina ez zen agertu. Ondoren, oso larri aurkitu zuten, trenbidera salto egin eta tren batek harrapatu eta gero. Gainera, eskumuturretan zauriak zituen, eta inguruan ebakiak egiteko erabili zuen aiztoa aurkitu zuten poliziek.
2015ko abuztuak 7an, gauean, akusatua Leyre Rodriguezen etxera joan zen, seme-alabez hitz egiteko aitzakiarekin, baina bere asmoa, akusazioaren arabera, hiltzea zen, ez baitzuen harremanaren haustura onartu.
Biktimaren etxean sartu zenean, larri zauritu eta, ondoren, autoaren maletategian sartu zuen.
Hala, La Peñako errepidera batera eraman eta autoarekin harrapatu zuen, hiltzeko. Modu horretan, akusatuak auto-harrapaketa simulatu nahi izan zuen.
Abuztuaren 18an, agenteen deialdiari muzin egin ondoren, trenbidera salto egin eta tren batek larri zauritu zuen. Egoera kritikoan eraman zuten ospitalera.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.