Herri-epaimahaiak errudun jo du Leyre Rodriguezen senar ohia
Herri-epaimahaiak aho batez errudun jo du Leyre Rodriguezen senar ohia, "nahita hil zuelako, eta biktimari defendatzeko inolako aukerarik eman gabe". Emakume gaztea 2015eko abuztuan hilik topatu zuten, Bilboko errepide batean.
Herri-epaimahaia bost gizonezkok eta lau emakumezkok osatu dute. Eztabaida astelehen honetan bertan hasi dute epaimahaiko kideek, goizean. Epaiketaren ahozko saioak iragan astean egin zituzten Bizkaiko Lurralde-auzitegian. J.M.P. epaitu dute, emazte ohia hil izana egotzita.
Epaimahaiaren erabakia entzun ondoren, Fiskaltzak, Estatuko Abokatutzak, akusazio partikularrak (familia) eta herri-akusazioak (Clara Campoamor Elkartea) zigor eskaerak mantendu dituzte: 23 eta 30 urte arteko espetxe-zigorra. Defentsak, aldiz, "zigorrik txikiena" ezartzeko eskatu du.
Herri-epaimahaiak frogatutzat eman du, 2015eko abuztuaren 27an, 21:30 inguruan, Jorge Mateos emazte ohiaren etxera joan zela, "Leyre hiltzeko asmoz".
"Ezustean", gizonezkoak ahoa eta sudurra indarrez estali zizkion eta bainugelara eraman zuen, "burua baineraren kontra gutxienez sei aldiz kolpatuta", eta biktima zorabiatuta edo konorterik gabe utzi arte.
Ondoren bainugelatik atera eta pasilloko alfonbra gainean utzi zuen emakumea botata. Hiru ordu geroago, Leyre besoetan hartu eta etxeko atari parean aparkatuta zuen autoan sartu zuen, ibilgailuaren maletategian. Biktima oraindik bizirik zegoen.
Jorge Mateos Bilboko Abusu auzoraino joan zen. Autoa gelditu, Leyre maletategitik atera eta errepidean utzi zuen, "istripu bat izan zela irudikatzeko asmoz".
Emazte ohia hiltzeko, ibilgailuarekin haren gainetik bi aldiz pasatu zen, lehenengo atzeraka eta ondoren aurreraka, "Leyreri heriotza eraginez".
Herri-epaimahaiaren arabera, gorpua autoarekin harrapatu izanak agerian uzten du emakumea hiltzea zela bere helburua. Etxean kolpatu ostean edo hainbat orduz ibilgailuko maletategian izan ondoren bizirik edo hilda ote zegoen egiaztatu ez zuela erantsi du.
Horrez gain, Leyre emakume izateagatik hil zuela ondorioztatu du, lekukoek erasotzailearen eta biktimaren arteko harremanari buruz epaiketan esan dituztenak entzunda.
Herri-epaimahaiak uste du akusatuak ez zuela onartu harremana amaitu zela eta banaketak "haserre handia" eragin ziola.
Halaber, ikerketan lagundu ez duela, benetan gertatu zena aitortu ez duela eta emazte ohia hil izanagatik damurik agertu ez duela nabarmendu du.
Bestalde, akusatuak bi seme-alabei bere etxearen erdia eman izanak, hipoteka ordaintzen jarraitu izanak edota epaitegian bere erantzukizunei aurre egiteko 16.000 euro kontsignatu izanak "ez du eragindako kaltearen ondorioak murrizten", pertsona bat hil duelako eta ume horiek ama gabe utzi dituelako.
Herri-epaimahaiaren erabakia jakinda, epaileak datozen egunetan emango du epaia.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.