Musikauzok musikaz beteko ditu Bilboko kaleak maiatzetik ekainera arte
Larunbat honetan, maiatzaren 5ean, abiatuko da Musikauzoren 2018ko edizioa Bilbon. Udalaren ekimenak hiriko zortzi barruti beteko ditu ekainaren 29ra arte , hainbat musika proposamenekin; fanfarreak, batukada taldeak eta trikitixa, tartean. 63 emanaldi egongo dira, ostiral eta larunbatetan bereziki.
Antolatzaileen arabera, Musikauzoren edizio honetan fanfarre klasikoen soinuak eta animazioa eta gaur egungo erritmoak egiten dituzten bandak izango dira. Era berean, aurten hiriko ia 50 musika taldek hartuko dute parte ekimenean.
Musika egitaraua Adiskideak eta Crazzy Jazzers taldeen emanaldiekin abiatuko da larunbat honetan, Txurdinagan, Artazuriñe plaza alaituko baitute goizez eta arratsaldez. Hiriaren beste aldean, Indautxun, La Casa de la Troula arituko da eguerdian eta txalaparta eta musika elektronikoaren saioa egongo da Maiatzaren 2a kalean.
Guztira Bilboko zortzi barrutitan gozatu ahalko da musika proposamen horiekin: Deustu, Uribarri, Otxarkoaga-Txurdinaga, Begoña, Errekalde, Basurtu-Zorrotza, Abando eta Ibaiondo.
MAIATZAK 5
12:00etan ADISKIDEAK, TXURDINAGA (Artazuriñe Plaza)
12:30ean LA CASA DE TROULA, INDAUTXU KALEA
14:00etan TXALAPARTY (SAN FRANTZISKO)
16:00etan CRAZY JAZZERS, TXURDINAGA (Artazuriñe Plaza)
MAIATZAK 10
18:00etan EUSKOTARRAK ABESBATZA (ARANGOITI)
19:00etan BILBOKO TXISTULARIEN BANDA (ARANGOITI)
MAIATZAK 11
19:30ean ARANGOITIKO BATUKE BULEGOA (ARANGOITI)
MAIATZAK 12
12:00etan BILBOKO TXISTULARIEN BANDA (ZABALA)
19:30ean DISKODANTZA (ZABALA)
20:30ean ORKRESTA (ARANGOITI)
MAIATZAK 13
11:00etan DEUSTUKO GAITEROAK (ARANGOITI)
MAIATZAK 18
19:30ean GURETZAT, ZURBARANBARRI (Iturriondo plaza)
MAIATZAK 19
12:00etan BILBOKO TXISTULARIEN BANDA (BUIA)
19:30ean THE FLANAGANS (MIRIBILLA)
22:30ean DJ KI (TXURDINAGA)
MAIATZAK 20
11:00etan ARDOA BARRURA FANFARREA (OTXARKOAGA)
MAIATZAK 25
19:00etan BILBAOMUSIKAKO TRIKI TALDEA (CASILDA ITURRIZAR PARKEA)
20:00etan KU-KLUX (URETAMENDI)
MAIATZAK 26
12:00etan BILBAOMUSIKAKO TXISTU TALDEA (CASILDA ITURRIZAR PARKEA)
13:00etan BILBOKO TXISTULARIEN BANDA (SAN ADRIAN)
18:00etan GALEA ORKESTRA (SAN ADRIAN)
18:00etan TRAKA MATRAKA (SOLOKOETXE)
19:00etan TARUMBA PERCUSIÓN (CASILDA ITURRIZAR PARKEA)
19:30ean DISKODANTZA (SOLOKOETXE)
20:30ean JAUZI TA JO TALDEA (CASILDA ITURRIZAR PARKEA)
Albiste gehiago gizartea
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.
Biktimen % 18,4k baino ez du jaso laguntza medikoa edo psikologikoa
Bikotearen barruan eta/edo kanpoan indarkeria jasan dutela adierazi duten emakumeen % 13,9k salatu du noizbait indarkeria hori, eta emakumeen % 16,6k adierazi du botikak, alkohola edo drogak hartu dituela bizitako indarkeriazko gertakariei aurre egiteko.
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.
Felix Baumgartner austriarra hil da, 2012an estratosferatik jauzi egiteagatik ezaguna, parapente istripu batean
Muturreko desafioak egiteagatik ezaguna, 2012an mundu mailan egin zen ezaguna estratosferatik salto egiteagatik; munduko hiru errekor ezarri zituen horrela, besteak beste, soinuaren hesia ibilgailurik erabili gabe hautsi zuen lehen pertsona izatea.
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.