2018ko Ibilaldiak 'helburuak bete ditu', antolatzaileen hitzetan
Jendetza bildu da igande honetan Santurtzin 2018ko Ibilaldia ospatzeko, Bizkaiko ikastolen festa, hain zuzen ere. Santurtziko Bihotz Gaztea Ikastolak antolatutako bigarren Ibilaldia izan da; izan ere, 1995ean hitzordu bera prestatu zuen, 'Sinestezina' lelopean.
09:30ean abiatu da jaia, ikastolako patioan egindako protokolozko ekitaldiekin. Cristina Uriarte Hezkuntza sailburua ez ezik, Bingen Zupiria Kultura eta Hezkuntza sailburua eta Unai Rementeria Bizkaiako ahaldun nagusia izan dira.
Horiez gain, Koldo Tellitu ikastolen elkarteko presidentea eta hainbat ordezkari politikok hartu dute parte festan: Andoni Ortuzar EAJko presidentea, Maddalen Iriarte EH Bilduko parlamentaria eta Mikel Torres Bizkaiko PSEko idazkari nagusia eta Portugaleteko alkatea.
Bost kilometroko ibilbidean, itsasoaren kresalaz gozatzeko aukera izateaz gain, Serantes mendiaren magaleraino iritsi da Ibilaldia. Ikastolen aldeko festak, lau gune izan ditu eta publiko guztietarako emanaldi eta ekintzataz gozatzeko aukera eskaini dute.
Milaka euskaltzale bildu dira Santurtzin. Argazkia: EiTB
Balorazioa
Lan handiko eguna izan da antolatzaileentzat, baina oso pozik azaldu dira egunaren amaieran. "Helburu guztiak bete ditugu", adierazi du Andone Ruiz Bihotz Gazte ikastolako zuzendariak.
Izan ere, helburu nagusiak hiru izan dira: Ezkerraldean euskara sustatzea; ikastolaren baitan kohesioa handitzea eta Santurtziko eragileekin elkarlana sendotzea; eta ikastolaren azpiegiturak handitzeko eta hobetzeko dirua biltzea. "Euskara asko entzun da Santurtzin gaur, eta horrek asko pozten gaitu", gaineratu du Bihotz Gazte ikastolako zuzendariak.
2019ko Ibilaldia antolatzeko, Lekeitioko Azkue ikastolak hartu du Bihotz Gazte ikastolaren lekukoa.
Abestia eta bideoklipa
Bihotz forma duen sardina lataren irudiarekin eta 'Taup!' leloarekin, batera, bizirik eta indartsu euskararen alde lan egiteko prest dagoela erakutsi nahi du Bihotz Gaztea Ikastolak.
Ibilaldiari Ze Esatek! taldeak jarri dio musika. Ahotsa, berriz, Elena Caballero 'La Basu' eta Joane Larrea abeslariek ipini dute. Kantuaren letra Sustrai Colina bertsolariak egin du:
CONTENIDO NO ENCONTRADO
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.