Espetxera, Vilanova i la Geltrun neskatoa hil eta sexu-erasoa egitea leporatuta
Epaileak espetxera bidali du Vilanova i la Getrun (Bartzelona) atxilotutako gizona, Laia 13 urteko neskatoa hil eta sexu erasoa egitea leporatuta. Neskatxaren hilotza atxilotuaren etxean topatu zuten, koltxoi baten azpian.
Kataluniako Justizia Auzitegi Nagusiak zabaldu duenez, Vilanovako 1 zenb. Instrukzio Epaitegiko buruak fidantza gabe kartzelara bildatzea erabaki du, sexu-erasoa eta gizahilketa/hilketa delituengatik.
Epailearen aurrean agertu denean, atxilotuak bere abokatuaren galderei baino ez die erantzun, eta adierazi du ez duela ezer gogoratzen, astelehenean edanda eta drogaren eraginpean egon zela argudiatuta.
Deklarazioa hasi baino lehen, atxilotuari azterketa forentsea egitea agindu du magistratuak, deklaratzeko moduan ote zegoen zehazteko, defentsak zein Fiskaltzak hala eskatu eta gero.
Auzitegiko zerbitzuek egindako azterketak atxilotua -42 urte- deklaratzeko moduan zegoela ebatzi ondoren egin du agerraldia, 19:00ak aldera, eta 22:40ra arte luzatu da.
Gizonak uko egin zion Esquadra Mossoen aurrean deklaratzeari, 13 urteko neskatoa itota hiltzea egotzita atxilotu ostean.
Laia aitite-amamarekin zegoen, eskolara bere bila joan zirelako, eta haien etxebizitzatik irten zen, hain zuzen, atxilotuaren etxebizitza eraikin beretik, 19:00ak inguruan, bere aita atariaren aurrean zain zegoelako.
Neskatoa irteten ez zela ikusita, bere aita bilatzen hasi zen, eraikinaren inguruetan, bera ohartu gabe Laia etxetik irten zela iritzita.
Desagertu zenetik gorpua topatu arte hiru ordu eskas igaro ziren arren, ikertzaileek uste dute hilketa etxetik irten eta gutxira gertatu zela.
Atxilotuak aurrekariak ditu genero eta etxeko indarkeria delituengatik, dibortzioaren prozesua martxan zegoenean, eta denbora gutxi zeraman bere gurasoen etxean. Gurasoak ez ziren egun horretan etxean egon.
Ikertzaileen iritzian, krimena egin ostean, atxilotuak etxea garbitu eta dutxa hartu zuen, odol zantzuak desagerrarazteko asmoarekin.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.