Lizarrako San Jurgiren eskulturaren egoera 'atzeraezina' dela dio txosten batek
Lizarrako San Migel elizan (Nafarroa) dagoen XVI. mendeko San Jurgiren eskulturan egindako zaharberritze lanek "atzeraezinak" diren ondorioak utzi dituzte figura horretan. Hala, polemika handia sortu duen errestaurazio horren harira, Nafarroako Gobernuak informazio guztia igorri dio Nafarroako Fiskaltza Nagusiari, ikerketa penalarekin jarraitzeko.
Espainiako Zaharberritzaileen Elkarteak (ACRE) zaharberritze lan horretaz arduratu zen Lizarrako Karmacolor enpresaren kontrako salaketa jarri zuen. Txostenaren arabera, langileek ez zuten tailuaren irudi originala errespetatu, eta XVI. mendeko irudiaren errestaurazioa egiterakoan ez zituzten objektu historikoen kasuan jarraitu beharreko teknikak errespetatu. Ondorioz, San Jurgiren eskulturari polikromia bezalako osagaiak aldatu dizkiote.
Nafarroako Fiskaltza Nagusiak egindako eskaerari erantzunez, Ondare Historikoaren Zerbitzuak egindako txostenean, XVI. mendeko eskulturaren egoeraren berri eman dute. Nafarroako Gobernuak ohar baten bidez jakitera eman duenez, errestaurazioan erabili dituzten teknikak direla eta, eskulturaren egoera "atzeraezina" dela ondorioztatzen da.
Nafarroako Gobernuak azaldu duenez, Lizarrako Karmacolor enpresari ezarri ahal dizkioten zigor posibleak aztertzen ari dira, gertatutakoa argitzeko Ministerio Publikoak ikerketa abiatu baitu.
Bitartean, adituek figura horren azterketarekin jarraitzen dute, zaharberritze lan horren ostean San Jurgiren eskultura hasierako egoerara ekartzea posible ote den argitzeko eta errestaurazio horrek izango lukeen balioa zehazteko.
Lehen datuen arabera, "linazi-olioaren erabilerak eta polikromia bezalako osagaiek garrantzia handiko irudi horren egurrean eragindako aldaketak direla eta, ezinezkoa izango da bere osotasunean hasierako egoerara ekartzea".
"Gaur egungo egoera kontuan izanda, eskultura horrek balio historikoa berreskuratu dezake, baina ezinezkoa izango da hasierako egoerara ekartzea, erabilitako teknika batzuek konponezinak diren ondorioak eragin dituztelako", dio txostenak.
Kultura sailak Fiskaltzari igorri dio eskatutako informazioa
Bestalde, ikerketa penala martxan jartzeko Nafarroako Fiskaltza Nagusiak eskatutako informazioa igorri dutela azaldu du Dori Lopez Jurio Nafarroako Gobernuko Kultura arloko zuzendari nagusiak.
San Jurgiren eskultura 1500. urtean egin zuten. Intxaurrondo egurrez egindako irudia Nafarroako ondare historikoen artean dago, eta 250 kg ditu.
Zure interesekoa izan daiteke
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideen defendatzea" dela, eta ziurtatu du "erkidegoko bigarren hizkuntza" den euskara "beti errespetatzen" dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.
Epaiaren zain gelditu da Ekain Perrinoren aurkako eraso homofoboaren auzia, akusatuek deklaratu ostean
Asteazken honetan deklaratu dute hamaika akusatuek. Guztiek ukatu dute biktimaren aurkako irain homofoboak egin izana eta haren orientazio sexualagatik eraso egin izana. Batek onartu du biktimarekin borroka izan zuela, baina esan du ez zuela beste inork parte hartu.
Euskara Denontzat elkarteak onartu egin du Errenteriako lan-eskaintzaren kontrako helegitea jartzera animatu izana, baina ukatu egin du talde antolaturik dagoela
“Bizpahiru kasutan” laguntza eta defentsa juridikoa eskaini zutela dio Sabin Zubiri Euskara Denontzat elkartearen kideak, eta ikerketarekin “seinalamendu kanpaina” bat bultzatzea leporatu dio Argiari.
Miranda Ebroko sutea krimen matxista dela baieztatu du Marlaskak
Barne ministroak adierazi duenez, sutearen ustezko egilea eta horren bikotekide ohia, Dolores, 58 urtekoa, VioGen sisteman zeuden, baina ez bien arteko harremanagatik. Gizonezkoaren kasuan, 2007an egon zen erregistratua, eta emakumezkoaren kasuan, 2008an. Une honetan, ez zeuden aktibo VioGen sisteman.
Hiru emakume hil dira eta lau lagun zauritu, Miranda Ebron "nahita" eragindako sute batean
Agintariek baiztatu dutenez, bart 22:45 inguruan piztutako sutea "nahita" eragindakoa izan da; egileak poliza-etxean bere burua entregatu du eta atxilotu egin dute. Hildakoak 78, 58 eta 23 urteko hiru emakume dira.
Hizkuntza politikari buruzko "konspirazio teoriak" sortu nahi izatea eta lan eskubideak defendatzen dituztenak "seinalatzea" salatu du Euskadiko CCOOk
Sindikatuak zabaldutako ohar baten arabera, zenbaitek "existitzen ez den oldarraldi judizial" gisa aurkeztu nahi izan dituzte lan eskaintza publikoetako hizkuntza eskakizunen aurka jarritako helegiteak.
Nafarroan sexu eraso bat egitea egotzita atxilotze agindua zuen gizon bat atxilotu dute Kolonbian
Atxilotua Kolonbiako Fiskaltza Nagusiaren esku utzi dute, estraditatu zain.
Atzo arratsaldetik agertu ez den 82 urteko arrantzale baten bila ari dira Mendexa inguruan, lurrean eta itsasoan
Lekeitioko bizilaguna lapak hartzera joan zen atzo arratsaldean eta ez zen etxera itzuli. Gauean bezala, goizetik ere bertan daude erreskate eta larrialdi taldeak.