Giro nahasia izango da datozen egunetan, baina, abisurik gabe jada
Euri-zaparrada trumoitsuen arriskuagatik indarrean izan dira abisuak 15:00etatik 21:00etara, baina ez du bezperan bezainbeste bota. Nafarroan egin du larunbat honetan euri gehien; ostiraletik larunbaterako gauean baino dezente gutxiago, hala ere.
Denboralearen okerrena igaro dela dirudi, eta larunbat arratsalde osoan abisu horia indarrean egon den arren, ekaitzak ez dira, inondik ere, bezeperakoen parekoak izan.
Erriberan eta Nafarroako ekialdean, adibidez, euria egin du, baina aurreko goizaldean baino gutxiago. Esaterako, Getadarren 11,3 litro pilatu dira, Esan 13,9 eta Arangoitin 13,3 litro.
Metro koadroko litro gehien pilatu dituen Nafarroako estazioa Bardeakoa izan da, El Yugon, 25 litrorekin, baina ateri da dagoeneko duela zenbait ordutatik.
Abodikoa (9,4 litro) eta Izabako aterpekoa (6,4 litro) dira arratsaldean euri gehien pilatu diren beste bi estazio.
Hala ere, azken orduetan ez da denboralearekin lotutako gorabeherarik izan, ez bada arratsaldean zenbait errepidetan ur-putzuak sortu direla bigarren mailako zenbait errepidetan. Horietan, Foruzaingoak esku hartu du trafikoa ahalbidetzeko.
Igande arratsaldean, giroa ezegonkorragoa izango da. Goizean, giro lasaia izango da, barnealdeko hainbat ibarretan behe-lainoa izango da eta gainerako zonaldeetan ostarteak. Eguerditik aurrera, ordea, bero-hodeiak garatuko dira, eta zaparrada trumoitsu batzuk bota ditzake han-hemenka. Haizea ipar-mendebaldetik finkatuko da eta behe-hodeiak ugarituz joango dira, zerua lainotuta gelditu arte, batez ere ipar partean; euri pixka bat egin dezake bertan. Tenperatura maximoak aurreko eguneko maila berdintsuan edo graduren bat gorago geldituko dira.
Astelehenean, fronte txiki bat iritsiko da eta freskatu egingo du. Haizea ipar-mendebaldetik ibiliko da, biziago kostaldean, eta fronteari loturiko hodeitza bultzatuko du. Zerua lainotuta egongo da, batez ere ipar partean, eta euri pixka bat egin dezake bertan. Tenperatura maximoak 23-25 ºC-koak izango dira.
Asteartean, tenperaturak gora egin eta argitzera joko du. Asteazkenean, are gehiago urdinduko da zerua, eta eguzkia nagusituko da; tenperaturak gora egingo du.
Kontsulta ezazu eguraldiaren iragarpena Orainen.
Zure interesekoa izan daiteke
2028tik aurrera, Baxoako espezialitate bat eta ahozko probaren zati bat euskaraz egin ahalko dute Ipar Euskal Herriko ikasleek
Edouard Geffray Frantziako Hezkuntza ministroak egin du iragarpena, bart, hedabide bati eskaini dion elkarrizketan. Aldaketa horrekin hezkuntza elebidunak legezko markoa izango duela nabarmendu du.
Epaimahaiak Tuterako jaietako kartel irabazlea erretiratu du adimen artifizialaren bidez sortutakoa izateagatik
Erabakia aho batez hartu du epaimahaiak astelehen honetan egindako bileran. Halaber, Raul Lopezen "Timbaleros de Tudela" lanari eman dio lehen saria.
Zer dakigu ebolaren Bundibugyo aldaeraren aurka garatzen ari diren txertoez?
Osasun agintariak erlojuaren kontra ari dira lanean ebolaren Bundibugyo aldaeraren agerraldia geldiarazteko txertoak eta tratamenduak aurkitzeko. ‘Zaire’ izeneko aldaera izan da orain arte gehien agertu dena, eta aldaera berri horri aurre egiteko ez dago ez txertorik, ezta onartutako tratamendurik ere.
30 pertsona artatu eta horietako hiru ospitaleratu dituzte Euskadin, asteburuan, tenperatura altuengatik
2 eta 74 urte bitartekoak dira artatutako pertsona guztiak, eta zorabioengatik, nekeagatik eta desorientazioagatik artatu dituzte.
Boston, Kansas City edo Chicago: Munduko Txapelketa antolatzeak hirientzat dakartzan abantailak eta arriskuak
Kirol ekonomialariek adierazi dutenez, Munduko Txapelketa antolatzeak kostu handiak eta buruhauste ugari dakartza hirientzat, arrakasta kasuak dauden arren.
Surflariek erreskate taulak jarri dituzte Zarauzko hondartzan
Edozeinek erabil dezake ur ertzean jarritako erreskate taula horietako bat, erreskate lanetarako. Sorospen zerbitzua ez da datorren ekainaren 1era arte hasiko eta pasa den ostiralean Zarauzko surflariek dozenaka bainulari atera zituzten uretatik.
Polemika Laga hondartzan, aparkaleku bat itxi eta duna artifiziala eraiki nahi dutelako
Pasa den azaroan, Kostako zuzendaritzak hondartzatik gertuen dagoen aparkalekua itxi zuen bertan duna artifiziala eraikitzeko asmoz. Geroztik itxita egon da, baina igandean sarrerako kablea hautsi eta berriro aparkalekua ibilgailuz bete zen.
Manifestazio jendetsua Bilbon, Loiuko istiluak salatzeko eta Ertzaintzaren jokabidea kritikatzeko
Euskal ekintzaileak minduta eta harrituta agertu dira Ertzaintzaren esku-hartzearekin, eta euren aldetik ez zela inolako probokaziorik egon azpimarratu dute.
A-15a erabat ireki dute, 8 urteko lanak amaitu ostean
Gipuzkoako Foru Aldundiak amaitutzat eman ditu inguru horretako lanak, eta jakinarazi du aurrerantzean kontrol handiagoa izango dutela bidearen gainean.
Bakioko hondartzan itota agertu den gizonaren heriotza ikertzen ari da Ertzaintza
Gorpua larunbat arratsaldeko zortzi eta erdiak inguruan agertu da.