25 migratzailek kalean pasa dute gaua Irunen
Irungo Martindozenea Gaztelekuan 60 ohe prestatu dituzte asteburu honetarako, azken egunotan iritsi diren 52 migratzaileen beharrei erantzuteko. Jatekoa, mediku arreta eta lo egiteko tokia eskaintzen zaie bertan.
Jarri dituzten 60 plaza berri hauekin Irunek bikoiztu egin ditu migratzaileentzako jarritako babeslekuak. Hala eta guztiz nahikoa ez, eta 25 lagunek gaua kalean pasa dute harrera taldeek salatu dutenez. Izan ere, hiru egunera arte egon daitezke etorkinak harrera lekuetan, eta ondoren, sistematik kanpo geratzen dira.
Harrera taldeko kideek protesta egin dute kontzentrazioa eginez 13:00etan Udaletxe aurrean, eta ondoren, Gurutze Gorriak emandako ogitartekoekin bazkaldu egin dute bertan.
Etorkinentzako puntu estrategikoa da Irun, Frantzia eta Europarako zeharbidea, eta geroz eta gehiago dira herrira hurbiltzen direnak.
Askorentzat Irun igarobidea baino ez da, baina badira atseden hartzeko denbora behar dutenak. Momentuz, hiru egunetarako babeslekua eskaintzen diete bertan, baina aurreko ostiralean Eusko Jaurlaritzako koordinazio mahaiak egonaldia beste bi egunez ere luzatu daitekeela erabaki zuen. Hala ere, neurri hori ez dago oraindik indarrean.
1.200 migrante iritsi dira Euskadira ekainetik, Gurutze Gorriak ohartarazi duenez. Ostegunean 200 pertsona iritsi ziren. 52 Irunera, 55 Gasteizera eta gainerakoak Bizkaira eraman zituzten.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.