Migratzaileentzako oheak bermatzeko eskatu dio SOS Arrazakeriak Irungo Udalari
Ostegunean Gurutze Gorriak 52 migratzaile Irunera eraman ostean, Martindozenea Gaztelekuan 60 ohe prestatu ditu asteburu honetarako Udalak. Jatekoa, mediku arreta eta lo egiteko tokia eskaini zaie bertan, baina Udalak besterik erabaki ezean, igande gauean itxiko ditu ateak behin-behineko aterpe honek, eta horrek kalean utzi ditzake dozenaka migratzaile, Bidasoaldeko SOS Arrazakeriak salatu duenez.
Komunikabideen aurrean egindako agerraldian, Jaione Berridi SOS Arrazakeriako kideak "migratzaileentzako oheak bermatzeko" eskatu die Irungo Udalari eta Eusko Jaurlaritzako koodinazio mahaiari.
Izan ere, zenbaketa zehatza egitea ezinezkoa den arren, egunero 60-70 migratzaile dabiltzala joan-etorrian Irunen kalkulatzen du harrera taldeak, eta beharrezkoa dela Europa iparralderako bide horretan non geratua izatea.
25 pertsonak kalean pasatu dute gaua
Asteburu honetarako espreski jarri dituzten 60 plaza horiekin Irunek bikoiztu egin ditu migratzaileentzako jarritako babeslekuak (normalean 28 ohe egoten dira), baina hala ere, kalean pasa behar izan dute gaua 25 pertsonak. Izan ere, "3 eguneko legea dago orain indarrean: gehienez hiru egunez lo egin dezakete migratzaileek gune horietan, eta bart 35 ohe erabili gabe geratu dira, 25 lagun kalean geratzen ziren bitartean" azaldu dute Bidasoaldeko harrera taldeetatik.
Hori salatzeko kontzentrazioa egin dute gaur eguerdian Irungo udaletxearen aurrean.
Momentuz, hiru egunetarako babeslekua eskaintzen diete Irunen, baina aurreko ostiralean Eusko Jaurlaritzako koordinazio mahaiak egonaldia beste bi egunez ere luzatu daitekeela erabaki zuen. Hala ere, neurri hori ez dago oraindik indarrean.
Frantziatik egiten diren itzulketei kritikak
1.200 migrante iritsi dira Euskadira ekainetik, Gurutze Gorriak ohartarazi duenez. Ostegunean 200 pertsona iritsi ziren. 52 Irunera, 55 Gasteizera eta gainerakoak Bizkaira eraman zituzten.
Migratzaile hauen gehiengoak Frantziara eta Europa iparraldera joan nahi du. SOS Arrazakeriak salatu duenez, Frantziako Poliziak berehala Irunera itzultzen ditu han harrapatzen dituzten migratzaileak, eta horiek jada Irungo harrera azpiegiturak erabili badituzte, berriz ere erabiltzeko aukerarik gabe geratzen dira.
Pertsona hauei lagundu nahi dietenei ere ohartarazpena egin diete SOS Arrazakeriatik. Poliziak migratzaileei muga pasatzen laguntzen harrapatuz gero, arazo legalak izan ditzakete.
Zure interesekoa izan daiteke
Eroskik bat egin du EITB Maratoiarekin eta "zentimo solidarioa" zahartze osasuntsuaren ikerketara bideratuko du
Artea merkataritza-gunean dantza-tutorial batekin ospatu dute elkarlana. Abenduaren 18an izango da dirua biltzeko egun handia, baina dagoeneko BIZUM bidez 33478 zenbakira dohaintzak egin daitezke.
Hilik aurkitu dute joan den astelehenean Ekoran desagertutako gizona
Bilaketa zerbitzuek aurkitu dute gizonaren gorpua, 18:00ak aldera, iristeko zaila den gune batean.
Itzali dute goizaldean Gueñes inguruetan piztu den baso-sutea
Guztira 9 hektarea erre dituzte garrek. Ingurura iristeko zailtasunak eta haize-bolada gogorrek suhiltzaileen lana zaildu badute ere, arratsaldean erabat itzaltzea lortu dute. Ez dago etxerik inguru horretan, eta ez da inor zauritu, baina Bi-3651 errepidea itxita izan dute Zaramillo eta Quadra artean.
Santurtzin hondoratze baten eraginez kaltetutako bizilagunak etxera buelta daitezke jada
Asteazkenetik etxean konfinatuta zeuden horietako batzuk, eraikineko sarbideko patioan behealdea hondoratu ostean. Metalezko pasabidearen gainetik kontuz ibiltzeko eskatu die Santurtziko Udalak kaltetutako bizilagunei.
Osakidetzak 4.500 plaza baino gehiago eskainiko ditu hurrengo lan-eskaintza publikoan, birjartze tasa onartu ondoren
Hautaketa-prozesua datorren urtean egingo da, betetzen zailak diren lanpostuen lan-eskaintza publiko berri batekin batera.
Gripeak eragindako ospitaleratzeak murriztu egin dira Euskadin, txertaketak gora egin ondoren
Osakidetzak jakinarazi du herritarren % 16,7k jarri dutela txertoa, eta 60 urtetik beherakoei eskatu die jartzeko.
Arratoi ugari agertu dira Bilboko Deustu eta San Ignazio auzoetan
Izurrite honen jatorria Zorrotzaurreko obretan dago. Karraskariek bizilekuz aldatu behar izan dute, eta itsasadarraren beste aldera joan dira janari bila. Udalak esan du arratoien populazioa gutxitzeko lanean ari dela.
Madrildik eta Alacantetik zetozen bi hegaldik ezin izan dute Bilboko aireportuan lur hartu haizeagatik
Madrildik zetorren hegaldiak 07:40an lur hartu behar zuen Loiuko aireportuan, baina Madrilera itzuli da. Alacantetik zetorrena, berriz, Forondara desbideratu dute.
Albiste izango dira: Gau Beltza, 'Arestiren etxekoak' hizketaldi musikatua eta Bizkaiko 2026ko Aurrekontuak
Gaurkoan Orainen albiste izango direnen laburpena, bi hitzetan.
Gau Beltza: Non gozatu urteko gau iluneneko jarduera beldurgarrienez?
Halloween baino zaharragoa den euskal tradizioarekin bat egiten dute Euskal Herriko herri askok: uztaren amaiera eta neguaren hasiera ospatzeko eta hildakoak oroitzeko festa zen Gau Beltza edo Arimen Gaua deiturikoa, eta azken urteetan indarrez itzuli da gurera.