ETB2ren seinalea irailean iritsiko da Nafarroa osora
Nafarroako Gobernuak asteazken honetako bileran, abuztuaren 29an, adostu du berriki hutsik geratu den LTDren autonomia-katea erreserbatzea, Euskal Telebistaren gaztelaniazko katearen estaldura zabaltzeko; hortaz, ETB2ren seinalea Nafarroa osora iritsiko da, irailetik aurrera.
Ana Ollo Herritarrekiko eta Erakundeekiko Harremanetarako kontseilariak adierazi duenez, "Nafarroako herritarren eskaera" kontuan izanik hartu du Gobernuak erabakia; izan ere, "milaka herritarrek" eskatu dute ETB1, ETB2 eta ETB3 Nafarroa osoan ikusi ahal izatea.
Ondorengo egunetan zehaztuko da zein egunetatik izango den aukera ETB2ren seinalea hartzeko. Jarraian, ikusleek berriro sintonizatu beharko dituzte LTD hargailuak, seinale berri guztiak hartzea helburu.
Nafar Telebista (NTB) katearen lizentzia baliogabetzeko espedientea amaituta (2016tik ez du igorri NTBk esleituta zuen katean), ETBren kate jeneralistaren seinaleak kate hori erabili ahalko du; gaztelaniazko edukiak eskaintzen ditu ETB2k, eta 26. katean sintonizatu ahal izango da. 2016ko udazkenetik har daiteke Foru Erkidego osoan ETB1, Euskal Telebistaren euskarazko katea.
Autonomia-kate hau esleitzeak tokiko multiplexak "askatu" ahal izatea dakar; izan ere, ETB2 igortzeko erabili izan dira orain arte. Iruñerrian, hau da, ume euskaldun gehien dituen eskualdean, ETB3rako erabiliko dituzte hemendik aurrera multiplexak.
ETB3k euskara du ardatz, hizkuntzari dagokionez, eta haurrentzako edukiak eskaintzen ditu gehienbat, Ana Ollo kontseilariak prentsaurrekoan azaldu duenez.
"Honela, kate jeneralista bat Nafarroa osoan hedatuko da, eta, gainera, honek ez du ekarriko Foru Ogasunarentzat inolako kosturik; EiTB Taldeak, aldiz, Nasertic enpresa publikoarekin duen lankidetza sendotuko du", adierazi du.
Erabaki horren ondorioz Nafarroak bigarren multiplex bat eskaintzeari utziko dion galdetuta, Ollok esan du Foru Gobernuak ez duela aukera hori baztertzen, baina gaineratu du esleipena Espainiako Gobernuari dagokiola eta horrek ez duela uste beharrezkoa denik. Gauza bera gertatzen da beste autonomia erkidego batzuetan, kontseilariaren esanetan.
Foru Erkidegoko LTDko gainerako tokiko lau mugapenetan (Lizarra, Zangoza, Tafalla eta Tutera), ETB3 2016az geroztik egiten den moduan jarraituko dute sintonizatzen, eta ETB2 emateko azken bi urteetan gordetako kanala liberatzea erabaki du Nafarroako Gobernuak.
Nafarroa–Euskadi hitzarmena, EiTB Foru Komunitatean emateko
Nafarroako Gobernuak gogorarazi duenez, Gobernuak EiTBren kanalen LTD seinalea hedatzeko adostutako erreserben legezko oinarria ikus-entzunezko komunikazio-zerbitzuak arautzen dituen funtsezko araudian oinarritzen da. Ikus-entzunezko Komunikazioari buruzko 2010eko martxoaren 31ko 7/2010 Legearen 40.4 artikuluak ezartzen duenez, "autonomia erkidego baten ikus-entzunezko komunikazioaren zerbitzu publikoaren emisioa, lurreko uhin hertziarren bidezkoa, hizkuntz eta kultur kidetasunak dituen autonomia erkidego mugakide batean ere egin ahalko da, baldin eta hitzarmen bidez hala adosten badute bi aldeek".
Nafarroako Foru Komunitateak eta Euskal Autonomia Erkidegoak harremanetarako esparru zabala dute, eta 2016ko maiatzaren 10ean berritutako Lankidetza Protokoloan jaso zuten. Protokolo hori garatzerakoan, Nafarroako eta Euskadiko gobernuek hitzarmen bat sinatu zuten urte bereko uztailaren 15ean, EiTB aipatu 7/2010 Legeko 40.4 artikuluan aurreikusitako baldintzetan zabaltzeko.
Hitzarmenaren bitartez, Nafarroako Gobernuak konpromisoa hartu zuen EiTB hedatzeko irtenbide tekniko egokienak hartzeko, zeuden kanal digitalak eta baldintzak kontuan hartuta; hau da, egungo multiplex autonomikoan espektroaren erabilera eraginkorrena eginaz edo etorkizuneko bigarren multiplex autonomikoaren bitartez, edota toki-mailako LTDko multiplexen bidez edo bideragarria izan daitekeen beste edozein aukera erabilita, erregimen juridiko aplikagarriaren eta zeuden baliabideen arabera.
Hitzarmen hori garatzeko, Foru Exekutiboa 2016ko erreserbak onartzen joan da, eta gaur beste bat onartu du Nafarroan EiTBren telebista-kanalak ahalik eta ondoen hartu ahal izateko.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.