1967ko lege batek iturriko ura doan eskaintzera behartzen ditu Frantziako jatetxeak
Frantziar Estatuko jatetxe batera bazkaltzera joatea, mahai baten inguruan esertzea, eta mahaian ikustea, eskatu aurretik, gerora kobratuko ez diguten pitxer bat ur. Frantziako ostalaritza-lokal batean menu batez gozatzeko aukera izan duen edonork horixe probatzeko aukera izan du… legeak hala ezartzen duelako. Hain zuzen ere, 1967ko ekainaren 8ko lege batek du ezarrita; horrek bezeroei iturriko ura doan eskaintzera behartzen ditu Frantziako jatetxeak. Espainiar Estatuan, OCU Espainiako Kontsumitzaileen Elkarteak #PideJarraDeAgua izeneko kanpaina aurkeztu berri du; horren xedea da herritarren babesa eskuratzea, antzeko lege bat eskatzeko.
Zehazki, Frantzian, legeak dio jatetxeak, menuagatik kobratzeko prezioaren barruan, bazkarian edo afarian bezeroak bere esku izango dituen hainbat kontzeptu sartu behar direla; adibidez, mahai-tresnak, baxera, mahai-zapia, gastronomia-proposamenak prestatzeko osagaiak, saltsak edo espeziak… Horien artean, halaber, ogia eta iturriko ura ere badaude; gehienetan, pitxer batean eskaintzen zaie ura bezeroei.
Testuinguru horretan, ez da sartzen botilaratutako ura; horren prezioa espezifikatu eta identifikatuta izan behar da, gainerako edariena bezala. Frantziako taberna edo kafetegi batean edari edo kafe bat eskatuz gero, halaber, ez genuke izango doan pitxer bat ur; izan ere, legeak bazkaldu edo afalduko duten bezeroei bermatzen die, ez edari bat aginduko dutenei.
Lapurdi, Nafarroa Beherean eta Zuberoan, hortaz, doan izango dugu iturriko ura, taberna eta jatetxeetan. Nafarroan ere horixe bera gertatzen da, aurreko uztailetik; OCUk berak bere web orrian azaltzen duenez, Foru Erkidegoan, Hondakinen Legeak behartzen ditu tabernak, jatetxeak eta hotelak bezeroei iturriko ura duen ontzi bat, bai eta hori kontsumitzeko edalontziak ere, doan eskaintzera.
Ingurumenerako eragina, txikiagoa
Espainiako Kontsumitzaileen Elkarteak, ekimena aurkezteko ostegunean eman duen prentsaurrekoan, hiru argudio zehaztu zituen, hori justifikatzeko: "arrazoi etikoak", NBEk 2010etik aitortzen baitute ura giza eskubidea dela; osasun-arrazoiak, "ura edatea osasungarria baita, eta doan eskuratu ahal izateak kontsumo-ohitura osasungarriak bultzatzen dituelako"; eta ekologia-arrazoiak, "kontuan izanik plastikozko botilek hondakin-kopuru handiak sortzen dituztela, eta, azkenean, botila askok ingurumena kutsatzen dutela".
Ildo horretan, komenigarria da gogoraraztea Estatuan plastikoen % 56 ez direla birziklatzen; ondorioz, urrun dago, oraindik, Europako Batzordean 2025erako ezarritako helburua, alegia, ehuneko hori ez izatea % 45etik gorakoa. Tabernetan eta jatetxeetan iturriko ura pitxerretan eskaintzekotan, ingurumenerako eragina egun baino txikiagoa izango litzateke.
Albiste gehiago gizartea
18 emakume askatu dituzte, 12 Euskadin, sexu-esplotazioko sare batetik
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimek (horietatik 12 Euskal Autonomia Erkidegoan), Kolonbian hartu zituzten, lan egiteko promesa faltsuekin, 8.000 euroko zorra zuten eta prostituzioan jardunez kitatu behar zuten. Bost atxilotu daude, hiru Bilbon eta bi Gijonen, horietako bi behin-behineko espetxealdian sartu dituzte, eta sei etxebizitza itxi dituzte. Polizia Nazionalak prentsa-oharrean jakinarazi duenez, 2024ko irailean hasi zen ikerketa, biktima baten lekukotzaren ondorioz. Biktima horrek salatu zuen engainatu egin zutela eta Kolonbiatik Santanderrera eraman zutela. Azkenean, sexu-esplotazioa egin zioten.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Emaztea eta bi alaba adingabeak bortxatzea egotzita, gizon baten aurkako epaiketa hasiko da asteazken honetan Araban
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Gizon batek bikotekidea hil du Getafen, indarkeria matxista kasu berri batean
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen eta bere emaztea hilko zuela ohartarazi du.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da bart: lorezainek Beatriz Artolazabalen aurpegidun panpina bota dute sutara, Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Istiluak, Hernaniko San Joan gauean: borrokak eta atxilotu bat, gutxienez
Bart gauean istiluak izan dira Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.
San Joan bezperan Donostiako Konstituzio plazan dantza egin du Udalbatzak, ohiko legez, lizar lerdena lekuko
Udalbatzak esku dantza tradizionala dantzatu du, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera. Behin esku dantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.
Andres Krakenberger: "Pablo Ibarren familia itxaropentsu dago, baina tentuz"
1994an Floridan (AEB) egindako hilketa hirukoitzagatik zigortutako Pablo Ibarren defentsak lekuko berri bat duela ziurtatu du. Lekuko horrek Ibar zigortu zuten krimenaren benetako egileak diren bi pertsona identifikatu ditu, eta horrek Ibar errugabetuko luke. "Egia esaten ari dela frogatzen duten zantzu sendoak daude", ziurtatu du Andres Krakenbergerrek, Pablo Ibar Heriotza Zigorraren Aurkako Elkarteko bozeramaileak.
LEAko arduradunak lanean ari dira, suak kiskalitako instalazioak berreraikitzeko
LEAko langileek aste honetan bertan enpresarekin biltzea espero dute, bere etorkizunari buruzko xehetasun gehiago jakiteko. LEAren zuzendaritza gaur bilduko da lan-arloko abokatu batekin eta lan-ikuskaritzarekin. Arabako Foru Aldundia ere lanean ari da LEAri ahal den neurrian aurrera ateratzea errazteko.
Lau eguneko espetxe-baimena eman diote Alfonso Jesus Cabezuelori, sanferminetako bortxaketagatik zigortutako militar ohiari
Baimena emateko arrazoiak izan dira espetxean jokabide ona izan duela, Psikologiako gradua amaitu duela eta gizarteratzeko hainbat programatan parte hartu duela.