Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Gasteizko lorezainek Beatriz Artolazabalen aurpegia duen panpina bota dute sutara, Judimendin.
Gasteizko lorezainen greba betean, protestak Judimendi auzoko San Joan jaietaraino iritsi dira bart: lorezainek Beatriz Artolazabal Udaleko zinegotziaren aurpegidun panpina bati su eman diote. Hain zuzen, lorezaintza-zerbitzuko langileek 3 hilabete daramatzate greban, eta horren sailak du zerbitzu horren ardura.
Alkateorde eta Espazio Publiko eta Auzoetako zinegotziak irmo gaitzetsi ditu azken hilabeteotan lorezainen grebaren ondorioz jasan dituen "indarkeria sinbolikoa, jazarpena eta larderia".
Ekintza horien artean, nabarmentzekoa da astelehen gauean, Gasteizko Judimendi auzoko San Joan suan bere aurpegiarekin erretako panpina.
Artolazabalek, baina, espazio publikoan izandako bestelako "irainak eta mezu iraingarriak" ere azpimarratu ditu, bai eta kalean egin dizkioten “pintadak, etxean jarritako paskinak eta muga guztiak gainditzen dituzten" haren kontrako "mezuak".
"Desadostasuna bizitza demokratikoaren parte da. Baina pertsona bat duen kargu publikoagatik seinalatzea, karikaturizatzea eta jazartzea ez da protesta: indarkeria sinbolikoa da. Eta onartezina da", adierazi du Artolazabalek X sare sozialean.
Testuinguru horretan alkateorde eta zinegotziak Udaleko bozeramaileen ezohiko batzordea deitu du gaur goizerako, gaitzespen testu instituzional bat onartzeko. Onartu bai, baina ez aho batez; izan ere, EH Bilduk ez du ekintza gaitzetsi. "Batzuek kaputxa jantzi eta beste batzuk isildu egiten dira", azpimarratu du Artolazabalek, eta gaineratu du "isilik dagoena ere erruduna" dela.
Gizarteari buruzko albiste gehiago
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).