Hernaniko alkateak esan du "lintxatu behar zuten" pertsona bat babestu zutela
Istiluak izan dira bart, Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.
Bart gauean, Hernanin, istilu ugari izan dira, zenbait leku eta unetan, Euskadi Irratiak jakin duenez. Udalak jakinarazi duenez, oraingoz ez da argitu istiluak elkarrekin lotuta dauden. Borrokak izan dira, hainbat talderen artean.
Segurtasun Sailak konfirmatu du lagun bat atxilotu dutela. Iturrien arabera,
istilu nabarmenenak 03:30ak aldera izan dira. Udaltzaingoak Ertzaintzaren laguntza eskatu du, Gudarien Enparantza inguruan hainbat gazte talderen artean gertatzen ari ziren istiluak bideratzeko. Ertzaintza iritsi denean objektuak jaurtiz hartu dituzte. Gertakari horiek direla eta, pertsona bat atxilotu dute.
Udalak adierazi duenez, istiluak hainbat unetan jazo dira (goizeko 2:00etan eta 4:00etan), eta horien artean loturarik ote dagoen ikertzen ari dira. Oraingoz, Udalak ez du atxilotuaren inguruko informaziorik jaso.
Gauzak horrela, polizia-ikerketa zabalik dago.
Xabier Lertxundi Hernaniko alkateak ETBko 'Egun On' saioan jakinarazi duenez, "jende asko" ibili da Hernanin. Adierazi du istiluak leku eta ordu ezberdinetan izan direla. Neurri handikoak izan omen dira istiluok. Gainera, adierazi duenez, pertsona talde batek "presioa egin du" udaletxean sartzen saiatzeko, bertan "lintxatu behar zuten pertsona bat babesten saiatzen zirenean".
Zaurituak izan ziren, bai istiluen ondorioz, bai polizia-kargen ondorioz, eta adierazi du lesionatuetako bat Donostia Ospitalera eraman zutela, baina ez duela haren egoeraren berri, eta ez dakiela alta eman ote dioten.
Jakinarazi duenez, gaur goizean, Udalak informazioa biltzen jardun du, Ertzaintzatik, Udaltzaingotik eta Donostia Ospitaletik "informazio ofizial guztia" batzeko, zer gertatu den jakin eta horren "ondorioak atera ahal izateko".
Gaur goizeko bozeramaileen batzordean, Udalean ordezkaritza duten talde guztiek (EH Bildu, EAJ, Elkarrekin Podemos eta PSE) sinatutako adierazpen instituzionala onartu da, eta istiluak tamalgarritzat jo dituzte. "Ez dira inola ere onargarriak edozein pertsonaren osotasun fisikoaren aurkako erasoak", dio adierazpen instituzionalaren testuak, eta "elkartasuna" adierazten die kaltetutakoei.
Albiste gehiago gizartea
Covid iraunkorra eta zeliakia gaixotasun kronikoen zerrendan sartu dituzte
Espezialisten eta pazienteen iritzian, aurrerapausu handia izango da, bai gaixotasunaren tratamenduan, baita egunerokotasunean behar dituzten laguntzetan ere. Bi gaitz horiekin batera, polioaren ondorioak eta min kroniko ez-onkologikoa ere sartu dituzten zerrendan.
9 urteko espetxe-zigorra berretsi diote 15 urteko alabari sexu-erasoak egin zizkion gizonari
Amak alabaren aurka deklaratu duen arren, Nafarroako Justizia Auzitegi Nagusiko Arlo Zibileko eta Zigor-arloko Salak adingabearen testigantza "sinesgarria, fidagarria eta koherentea" dela adierazi du, baita "oso zehatza" ere. Hori dela eta, Probintzia Auzitegiak apirilean ezarri zion zigorra berretsi du orain.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Zergatik ikusten dira hain emakume gutxi entzierroetan?
Sanferminetako entzierroan emakumeek lehen aldiz parte hartu zutenetik 50 urte igaro diren arren, oraindik ere entzierroa korritzen duten emakumeen kopurua gizonena baino askoz txikiagoa da. Emakumearen presentziak gora egin du ia alor gehienetan azken hamarkadetan, baina zergatik ez da gauza bera gertatzen entzierroetan?
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte hezitzaile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?
Mildiu onddoak gogor kolpatu ditu Arabako Errioxako mahastiak, eta hurrengo mahats-bilketa mehatxatzen du
Aurtengo hezetasun handiak, lainoek eta landaretza zabaltzeak mildiua agertzea bultzatu dute. Are, faktore horiek guztiek onddoa suspertu eta zabalarazi dute, eta ia eskualde osoan hedatu da, bigarren fasean hedatu ere.