Fiskaltzak 11 urteko zigorra eskatu du Vela medikuarentzat, haur lapurtuen epaiketan
Fiskaltzak 11 urteko kartzela-zigorraren eskaera mantendu du, astearte honetan, Eduardo Vela 85 urteko medikuarentzat, Espainian haur lapurtuen kasuagatik egiten den lehen epaiketan. Ines Madrigal jaiotzean, 1969an, haurrak izan ezin zituen emakume bati eman zioten, dokumentazioan ama biologikoa zela jarrita.
Saioa Madrilgo Probintzia Auzitegian egin dute. Ines Madrigalen akusazioko abokatuak 13 urteko kartzela-zigorra eskatu du auzipetuarentzat, haurra benetako ama biologikoaren nahiaren aurka emateagatik. Abokatu defendatzaileak, aldiz, absoluzioa eskatu du.
Fiskalaren ustez, Vela medikuak adingabe bat legez kanpo atxilotzeko, erditze susmo eta dokumentuak faltsutzeko delituak egiteko beharrezko lankide izan da.
Auzitegiak Adela Bermejo Vela medikuaren emaztearen aurkako lekukotza kentzea eskatu dute Fiskalak eta akusazioak, prozedura honetan isilik egon dela uste izanda, haien ustez, Ines Madrigalen guraso biologikoak zeintzuk diren jakin arren.
Halaber, polizia nazional batek azaldu duenez, "zantzu guztien arabera", Eduardo Vela medikua haur lapurtuen kasuaren parte izan daiteke, eta ikertzen ari diren kasuetan auzipetuak bi historial kliniko erre zituen.
Poliziaren ikuskariordearen hitzetan, "Vela medikuak auzian parte izan ahal du; hasiera batean, harrera zentroetan zeuden ama ezkongabeak eta seme-alabarik izan nahi ez zutenak erabiltzen zituzten umeak adopzioan emateko, baina, gero, iturri hori amaitu zitzaien, eta beste kasu mota batzuk izaten hasi ziren, besteak beste, San Ramoneko klinikakoak bezalakoak".
Saioan lekukotza eman duen kazetari frantses baten esanetan, 2013ko abenduan Vela medikuarekin hitz egin zuen, haren bulegoan, haur lapurtuei buruzko erreportaje bat egiteko, eta ezkutuko kamera baten bitartez grabatu zuen elkarrizketa. Grabazioa auzian aurkeztu du.
Lekuko horren arabera, Ines Madrigal jaio zenean, Vela medikuak eta haren emazteak Pablo Madrigalek eta Ines Perezek osatzen zuten bikoteari oparitu zioten, baina ez zuten ezer ordaindu.
Horien lagun batek esan du Ines Perezek ezin zuela umerik izan, oso gustuko izan arren, eta apaiz baten bidez lortu zuela umea, mediku bat ezagutzen zuelako; halere, esan du ez dela oroitzen Vela zen ala ez aipatu medikua.
Albiste gehiago gizartea
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.