Erakundeei 'konponbidea bideratzeko' eskatu die Jaizkibel konpainiak
Azken urteotako irudirik gogorrenak ikusi ziren joan den larunbatean Hondarribiko alardean. Plastiko beltzekin eta txistu hotsekin hartu zuten hainbat herritarrek alarde parekidea, eta tentsio handia bizi izan zen Jaizkibel konpainiak Kale Nagusia zeharkatu zuenean.
Gertatutakoa "urte askotako utzikeriaren ondorio" izan zela uste du Jaizkibel konpainiak, eta Hondarribiko Udala, Gipuzkoako Foru Aldundia eta Eusko Jaurlaritza jo ditu alarde parekideak "bizitako eraso bortitzaren arduradun".
Udalari "egoeraren sortzaile" izatea egotzi dio, urtetan egoera "oker" kudeatzeagatik. Halere, arduradun nagusia Eusko Jaurlaritzaren Segurtasun saila dela esan du Jaizkibel konpainiak, irailaren 8ko alardeari dagokion ebazpena "ez duelako betearazten".
"Olatu atzerakoia" urtez urte handitzen ari dela salatu dute alarde parekideko kideek, eta hori dela eta, "konponbidea bideratzeko" eskatu diete erakunde guztiei. "Boto eta botere kontuek utzi dute olatu atzerakoi hori sortzen, eta zigorgabetasun handienarekin Jaizkibelen kontra ekiten", esan dute, gaur kaleratu duten oharrean.
Gizartea "berdintasunaren olatuan" aurrera doan heinean, Hondarribian bizitakoak "atzera doan olatu baten alderdirik bortitzena" erakutsi zuela adierazi du Jaizkibelek. Horregatik, "atzerako pauso bakar bat" ez dutela onartuko ziurtatu dute, eta "gizartera egokitutako" olatuaren gainean lanean jarraitzeko konpromisoa berretsi. "Badakigu olatu atzerakoi horren azken uneak bizitzen ari garela, baina bere desagertzeak ez du zertan gure duintasuna eraso behar", gaineratu dute idatzian.
Larunbat goizeko desfilean gertatuakoak "ustekabean" harrapatu zituela ere esan dute, baina arratsaldean, "erasoen gainetik, indar, alaitasun eta errespetu" erakustaldi handia eman zutela nabarmendu dute.
Elkarlanerako eta elkarrizketarako prest agertu da Jaizkibel konpainia, eta orain arteko bidean lanean jarraituko duela esan du.
(Argazkia: EFE)
Jaizkibel konpainiak jasandako "jazarpenagatik" azalpenak eskatu dizkio EH Bilduk lehendakariari
Bestalde, Hondarribiko Alardean Jaizkibel konpainiak jasan zuen "jazarpena" dela eta, EH Bilduk azalpenak eskatu dizkio Iñigo Urkullu lehendakariari eta Estefania Beltran de Heredia Segurtasun sailburuari.
Agiri baten bidez, koalizio soberanistak adierazi du "kezkatuta eta triste" dagoela joan den larunbatean gertatutakoaren harira; izan ere, horrek erakusten du emakumeek jaietan berdintasunean parte hartzeko eskubidea bermatzeko bidean aurrera egin ez dela. Areago, "Alarde parekidearen kontrako jarrerak gogortu egin dira", deitoratu du.
"Hondarribian, Irunen bezala, berdintasunerako eskubidea urtero urratzen dute. Eta hori oso larria eta onartezina da", salatu du EH Bilduk.
Horrez gain, auzi honetan Eusko Jaurlaritzak izan duen jarrera kritikatu du koalizioak, Jaizkibel konpainiako emakume eta gizonen kontra izandako irain eta oihuen aurrean "isilik geratu baita".
"Antza, Urkulluren Gobernuarentzat pertsona batzuen eskubideak bigarren mailakoak dira eta ez dute babesik behar", salatu du.
Gauzak horrela, Berdintasun Legea betearaz dezala exijitu dio EH Bilduk Eusko Jaurlaritzari, eta aurreratu du gertakari honen inguruko azalpenak eskatuko dizkiola lehendakariari Legebiltzarreko kontrol-saioan.
Halaber, EH Bilduk Estefania Beltran de Heredia Segurtasun sailburuaren agerraldia eskatu du, Alarde parekidea "jazarri" zutenen kontra ze neurri hartuko duen eta Ertzaintzak zergatik ez zuen ezer egin argitu dezan.
"Berdintasun Legea betearazi beharrean, erasotzaileen konplize ezin dira ertzainak", kritikatu du koalizioak.
Zure interesekoa izan daiteke
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Horrez gain, autoan zihoan beste pertsona bat zauritu egin da, errepidea bidetik irten eta irauli ostean.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2016an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
4 graduko lurrikara batek Araba astindu du, kalterik eta zauriturik eragin gabe
00:10ean izan da lurrikara eta epizentroa Iruña Okan izan du; milaka pertsona esnatu ditu gaur goizaldean Araban. Ez du kalterik eragin eta ez da erreplikarik espero, SOS Deiaken arabera.
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.
Ireki dute A-15 errepidea Iruñerako noranzkoan, kamioi baten matxuragatik itxita egon ostean
Villabonan kamioi batek matxura izan du, eta errepidea erabat itxi behar izan dute, kamioia erretiratu arte. Zirkulazioa N-I errepidetik bideratu dute.