Ordu aldaketa kentzera deitu du Junckerrek
Jean-Claude Juncker Europako Batzordeko presidenteak ordu aldaketa kentzeko deia egin die gaur EBko herriei, eurek baitute ordu aldaketaren inguruan erabakia hartzeko eskumena.
"2019ko maiatzean, europarrek ez gaituzte txalotuko urtean bitan ordua aldatzen jarraitzen badugu", esan dun Junckerrek Estatuaren Batasunaz eman duen diskurtsoan.
"Estatuek erabaki behar dute beren herritarrak udako edo neguko ordutegian bizi nahi duten", azaldu du EBko presidenteak. Gaur ekimen ekonomiko, komertzial eta segurtasun zein migrazio ingurukoak aurkeztuko ditu Junckerrek.
Orain gutxi EBko presidenteak iragarri zuenez, herritarren gehiengo zabalak ordu aldaketa kentzea eskatu du gai honi buruz egin den kontsulta publikoan.
Horren harira, Junckerrek azaldu zuen ez duela zentzurik emaitzei kasurik ez egiteak, kontsulta loteslea ez izan arren. Halere, Batzordearen ekimena hasiera besterik ez litzateke izango, prozesuak hainbat fase gehiago pasatu beharko lituzkeelako.
Bestalde, Isabel Celaa Espainiako Gobernuko bozeramaileak jakinarazi duenez, ordu aldaketa egiteari uzteko ekimenarekin ados dago Sanchezen gobernua.
Batzordeak uztailaren hasieran iragarri zuen egungo udako ordutegiarekin jarraitzea proposatzen zuen kontsulta, Europako Parlamentuak otsailean onartutako ebazpen batekin bat. Ebazpen horren arabera, ez dago proba zientifiko eztabaidaezinik, baina sistema hau kaltegarria dela dioten zantzuak daudela nabarmendu du.
Batzordeak, nolanahi ere, ez du 2001. urtetik dagoen harmonizazioa hautsi nahi, ezta alde bakarretik erabakiaren alde (edo kontra) egiten duten herrialdeak egotea.
Europarren % 84k ordu aldaketa kentzea eskatu dute
Europarren % 84 eta espainiarren % 93 ordu aldaketa kentzearen alde agertu dira egungo udako ordutegiarekin jarraitzea proposatzen zuen galdeketan, Europar Batzordeak (EB) ostiral goizean aurreratu zituen behin-behineko datuen arabera.
EBko kide diren 28 herrialdeetako 4,6 milioi herritarrek hartu dute parte inkestan, eta gehiengo zabalak (% 76) uste du urtean bi aldiz ordua aldatzea esperientzia "txarra" edo "oso txarra" dela.
Besteak beste, osasunean eragin dezakeen ondoeza, zirkulazio-istripuen gorakada edota eguna luzatzeak energia kontsumoa handitzea dakar, ordu aldaketaren kontra dauden herritarren esanetan.
Parte-hartzaile gehien herrialde hauetan izan dute: Alemania (% 3,79), Austria (% 2,94) eta Luxenburgo (% 1,78).
Zure interesekoa izan daiteke
Jendetza bildu du Korrikak Maulen
Arratsaldeko 17:00ak baino minutu batzuk lehenago iritsi da Korrika Euskal Herriko lehen hiriburura, Maulera. Gazte zein heldu, jende andana aritu da lasterka lekukoaren atzetik eta une dibertigarri eta politak bizi izan dira Zuberoako hiriburuan. Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.