Bularreko minbiziaren aurkako borrokak Bilboko kaleak hartuko ditu urriaren 7an
Acambi elkarteak Bilboko kaleetan ibilbidea antolatu du urriaren 7an, bularreko minbiziaren aurka borroka egiteko eta eritasunak jotako pertsonei elkartasuna adierazteko.
Elkartasun ekimenak 10.000 korrikalari bildu eta salmentan jarritako dortsalak agortu zituen iaz, aurreko urteetako “arrakasta” errepikatuz.
Maite Elorriaga elkarteko presidenteak prentsaurrekoan, Bilbon, azaldu duenez, elkartasun lasterketa bost kilometroko “proba ez lehiakorra” da, “publiko mota orori irekia” eta “korrikan ala ibiltzen egin daiteke”.
Lasterketa urriaren 7an, igandean, 11:00etan abiatuko da Guggenheim Museotik, eta itsasadarraren bazterretik jarraituko du, Euskalduna jauregira bidean. Behin Euskaldunan, parte-hartzaileak Euskalduna zubitik jaitsiko dira, Ibaizabaleko beste ibaiertzetik udaletxera heltzeko.
Korrikalariak Deustu, Pedro Arrupe eta Salbeko zubien azpitik pasako dira “ikuspegi bikainekin gozatuz”, ondoren Campo Volantin pasealekutik udaletxera heltzeko.
Behin udaletxean, zubia gurutzatu, arrapala jaitsi eta Uribitarte pasealekutik Guggenheim Museora itzuliko dira. Elorriagaren hitzetan, lasterketa 11:00etan hasi eta aurreneko korrikalariak 11:23ean helmugara heltzea espero da.
Lasterketaren ostean, entretenimendu eta aisialdirako jarduerak izango dira, Zumba erakustaldi bat barne. Ondorioz, jaia gutxi gorabehera 13:00ak arte luzatuko da.
Sei eurorekin izena eman eta elastikoa, dortsala, anoa-postu, asegurua eta laguntzarako eskubidea izango dute parte-hartzaileek. Nahiz eta lasterketan ez parte hartu, lagundu nahi dutenek dirua kontu korronte batean sartu eta 0 dortsala bereganatu dezakete.
Dortsalak agortu arte online izena emateko aukera izango da. Elastikoak eta dortsalak Forum Sport dendetan edo Acambiren egoitzan urriaren 2tik 5era jaso ahal izango dira.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.