Migratzaileei harrera egiteko neurriak gogortu dituztela salatu dute Irunen
Irungo Harrera Sareak (IHS) salatu du "gogortu" egin dituztela bertara iristen diren migratzaileei harrera egin ahal izateko baldintzak eta, azaldu dutenez, "galarazi egiten diete harrera zerbitzua penintsulan 30 egun baino gehiago daramaten pertsonei".
IHSk uste du eskakizun hori "absurdotik gertu" dagoela, eta horrek "migratzaileei Martindozeneako aterpean sartzea galarazten diela". Ondorioz, "sekula ez dira betetzen erakundeek harrerarako jarritako 60 plazak", baina migratzaileek "astetako bidaiak" egiten jarraitzen dute.
"Pertsona horiek ez dute aukeratzen nora eramaten dituzten, zein baldintzatan eta zein bermerekin. Horren adierazle dira hirira iristen diren horietako askoren higiene, elikadura eta desorientazio egoera txarrak", adierazi dute.
"Aterpean sartu ahal izateko, migratzaileek Poliziaren kanporatze agindua erakutsi behar dute, eta guztiek ez dute dokumentua, asko eta asko kanpoan geratzen direlarik, tartean emakumeak. Horiek guztiek Lakaxita kanpoaldean bukatzen dute, Martindozenean plaza hutsak dauden arren", salatu du IHSk.
Sareak salatu du "informazio eta erabaki aldaketa etengabeek" nahasmendua sortzen dutela, eta Gurutze gorriak berak, aterpea kudeatzen duenak, ere hanka sartzen duela eta "egonaldia hiru egunera mugatzen duela, nahiz eta erakundeek gehienezko egonaldia bost egunera luzatu".
"Bestalde, zentroaren ordutegi zorrotzaren eraginez, migratzaileek ordu gehienak kalean pasatu behar dituzte, beraz, Lakaxita gaztetxea da 'eguneko zentro' behar hori asetzen duena duela bi hilabetetik", azaldu dute.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.