Haurren kontrako sexu-abusuen preskripzioari buruzko legedia aldatuko du Espainiak
Adingabeei egindako sexu-abusuak ez preskribatzeko Espainiako Gobernuak Zigor Kodea erreformatuko duela iragarri du gaur Carmen Calvok Vatikanoan. Espainiako Gobernuko presidenteordea Pietro Parolin Vatikanoko Estatu idazkariarekin bildu da Erroman.
Alabaina, ordu batzuk geroago Espainiako Gobernuaren Presidentzia Ministerioak Calvoren hitzak zuzendu ditu eta zehaztu du erreforma ez dagoela erabakita eta oraindik horretan ari direla lanean.
Espainiako Gobernuak berretsi egin du haurrei egindako sexu-abusu delituak preskribatzeko epea luzatu egin nahi duela eta erreforma hori Adingabeen aurkako Indarkeriaren Legearen bidez gauzatuko duela, baina ez du xehetasun gehiagorik eman.
Europa Press berri-agentziaren arabera, duela urtebete inguru hasi ziren lege horren zirriborroa lantzen, Mariano Rajoyren Gobernuarekin elkarlanean, eta delitu horiek preskribatzeko epea biktimak 50 urte betetzen dituenean kontatzen hastea aztertzen ari ziren orduan. Egun, biktimak 18 urte dituenean hasten da atzeranzko kontaketa.
Alderdi Sozialistak boterea berreskuratu zuenean, gaiari heldu zion berriro. Europa Pressek zabaldu duenez, sexu-abusu delituak preskribatzeko epea biktimak 30 urte betetzean zenbatzen hastea aztertzen ari da Espainiako Gobernua. Gobernuz kanpoko erakundeek, berriz, 50 urterekin hastea proposatzen dute.
Delitu horiek 5-15 urteko epea preskribatu ohi dira.
Espainiako Gobernuak oraingoz ez du argitu zein izango den behin betiko aukera.
Franco hobitik ateratzeaz
Bestalde, gaurko bileran, Francisco Franco diktadorearen gorpuzkiak Erorien Haranetik ateratzeko erabakiaz ere aritu dira Carmen Calvo eta Pietro Parolin. Kardinalak ziurtatu du Vatikanoak ez duela inolako oztoporik jarriko.
Horrenbestez, Espainiako Gobernuak eta Vatikanoak hitz egiten jarraituko dute, gai honetan konponbide egokiena aurkitzeko.
Albiste gehiago gizartea
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.