Ongizate Estatua, enpresa eta jasangarritasuna hizpide, Bilbon
Eusko Ikaskuntzaren XVIII. Biltzarraren laugarren saioa ari dira egiten Bilboko Iberdrola dorrean. "Geroa Elkar-Ekin" leloari eutsita, urriaren 5ean hasi zen aipatu batzarra. "Garapen sozio-ekonomikoa: Euskal Gizartea eta Enpresa" da, hain zuzen, laugarren saio honetako gai nagusia.
Juan Mari Aburto Bilboko alkateak, Teresa Laespada Bizkaiko Foru Aldundiko Enplegu, Gizarteratze eta Berdintasun diputatuak eta Iñaki Dorronsoro Eusko Ikaskuntzako lehendakariak ireki dute saioa.
Goizean, azken bi urteotako eredu sozioekonomiko eta enpresa ereduei buruz Eusko Ikaskuntzak abiatutako gogoeta lanaren emaitza aurkeztu dute, lan horretatik ikerketak eta etorkizuneko erronkak sortu baitira. Ongizate Estatuarekin lotutako hitzaldiak eman dituzte Miguel Laparrak (Eskubide Sozialetako Lehendakariordetza. Nafarroako Gobernua) eta Joseba Zalakainek (SIIS Dokumentazio eta Ikasketa Zentroa).
Geroago, Imanol Esnaolak (Gaindegia) lurralde eta iraunkortasun estrategiak landu ditu, eta Tomas Arrietak (Lan Harremanen Kontseilua) enpresa eta lan harreman ereduak. Hiru gai horiek izango dituzte mintzagai arratsaldean ere.
Ongizate eredu propio baten bila, zenbait adituk hartuko dute parte solasaldian: Xabier Aierdik (EHU), Sara Buesak (Gasteizko Udala) eta Nerea Kortajarenak (Legebiltzarra), Fernando Fantova (Gizarte Aholkularia) gidari dutela.
Bestalde, lurralde estrategiak eta jasangarritasuna izango dituzte mintzagai Mari Jose Arangurenek (Orkestra Institutua), Maite Iturrek (Cederna-Garalur) eta Aritz Otxandianok (Fagor Taldea). Horiek guztiek Ana Oregi (Legebiltzarra) izango dute gidari. Geroago, Sabin Azuak (B+I Strategy), Helena Francok (EHU) eta Javier Ramosek (Lanbide) gai berri bati helduko diote: enpresa ereduak eta lan harremanak.
Eusko Ikaskuntzaren XVIII. Biltzarraren hurrengo saioa azaroaren 16an egingo dute Donostian, gobernantza demokratikoari buruzko jardunaldi batekin.
Ondorio nagusiak Oñatiko amaiera saioan ezagutaraziko dituzte, azaroaren 23an.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.