Populismo xenofoboen aurkako eta immigrazioaren aldeko itun bat proposatu du Urkulluk
Migratzailearen Nazioarteko Egunean, 'Immigrazioaren aldeko Itun sozial' bat proposatu du Iñigo Urkullu lehendakariak, Europar Batasuneko herrialdeetan, eta Estatuan ere, ematen ari diren “populismo xenofoboei” aurre egiteko. “Demagogiaz baliatuta egituratu eta hedatzeko” asmoa dute, gizartean “sakon sartzeko” helburuarekin, ohartarazi duenez. Erakunde eta gizarte eragileen ekarpenei zabalik dago proposamena.
Migratzailearen Nazioarteko Egunean, Itun Sozialaren Proposamenarekin batera, Eusko Jaurlaritzaren agiri bat aurkeztu du Urkulluk, “migrazioaren erronkari aniztasunetik, elkartasunetik eta beharrizanetik erantzuteko”.
Beatriz Artolazabal Enplegu eta Gizarte Politiketarako sailburuak eta Jonan Fernandez Giza Eskubide, Bizikidetza eta Lankidetzarako idazkari nagusiak lehendakaria lagundu dute. Urkulluren hitzetan, “Europar eta euskal gizarteak, bereziki, ongizate ereduari eusteko immigrazioa behar dute”. Horregatik, proposamena Europan azaleratzen ari diren populismo xenofoboen aurrean “aukera” bat da, erantsi duenez.
Euskadi igarobidean dauden etorkinentzako “pasadizo” bat dela goraipatu du Urkulluk, baita berehalako kanporatzeentzako ere. Horregatik, “Europar Batasuneko beste herrialde batzuetan ezarritako politiketatik ezin dugu ihes egin”, gogorarazi du.
“Testuinguru horretan demagogiak tokia aurkitzen du, Europar Batasuneko herrialde batzuetan ematen ari den populismo xenofoboek bultzatuta, eta gizartearen irakurketan sakon eragiten du horrek”, nabarmendu duenez.
Era berean, Estatuan “alderdi politikoen hitzaldi xenofoboak” entzuten ari direla kritikatu du Urkulluk, baina Espainiako Estatuaren “esklusiba” denik ukatu du.
Besteak beste, “arauzko immigrazioa”, “paperik gabekoa”, eragile ezberdinen arteko “erantzukizun partekatua”, bidaiderik gabeko gazte eta adingabe atzerritarrak edo elkarbizitza kulturari lotutako hamar konpromiso jasotzen ditu dokumentuak. Erakundeek eta gizarte eragileek 2019ko ekainera arte izango dute orain euren ekarpenak egiteko.
Albiste gehiago gizartea
Osakidetzak martxan jarri du biztanleria pediatrikoari 1 motako diabetesa goiz detektatzeko Estatuko lehen azterlana
6.000 pertsonak baino gehiagok parte hartuko dute Euskadik zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute Jumillan, Murtzian, jendaurrean Islamarekin lotutako ekitaldiak egitea
Ezingo dute ospatu, adibidez, musulmanen artean ohikoa den Arkumearen Festa ospetsua. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Beroa Eukal Herrian: osasun alerta gorria Nafarroan, eta abisu horia EAEn eta Iparraldean
Ostegunetik aurrera tenperatura altuak izango dira, eta Nafarroako Erriberan 40 gradura iritsiko dira. Aurreikuspenen arabera, balio horiek igandera arte mantenduko dira, gutxienez. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri isurialdeko barnealdean ere.
Paketatzeko makina batek eragin zuen Izarbeibarko sutea
Sua kontrolpean dute jada suhiltzaileek. Bilakaera onari esker, Nafarroako Gobernuak malgutu egin du nekazaritzako lanak debekatzen zituen agindua.
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sartzea galarazten, beteta baitzegoen. Une horretan azeleratu eta parkingera sartzen saiatu zen, eta aurretik eraman du agentea. Atxilotu egin dute autoaren gidaria.
Uda honetako beroak 41 heriotza utzi ditu orain arte Euskadin
Abuztu honetan, oraingoz, pertsona bakarra hil da Euskadin tenperatura altuen ondorioz. Heriotza hori udako bigarren bero-boladaren hasierarekin batera gertatu da, eta beroak luze joko du. Segurtasun Sailak hainbat abisu hori aktibatu ditu.
Jaurlaritzak diskoteketan atezain izateko betekizunak aldatzeko prozesua hasi du, Gasteizko Mitikan gazte bat hil ondotik
Gasteizko Mitika diskotekaren aurrean atezainak kolpea jota hil zen gaztearen gurasoek eskatuta, Eusko Legebiltzarreko gehiengo zabal batek Jaurlaritzari eskatu zion gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.