Laura Luelmoren hilketagatik atxilotutako gizonak aitortu egin du krimena
Laura Luelmo Zamorako gaztearen hilketarekin zerikusia zuelakoan atzo atxilotutako gizonak hilketa onartu du.
Ikerketako iturriek zabaldutako informazioaren arabera, Bernardo Montoya (50 urte) atxilotuak goizeko lehen orduan aitortu du 26 urteko irakaslearen hilketa.
Atzo, Guardia Zibilak Bernardo Montoya atxilotu zuen Laura Luelmoren heriotza egotzita. Urrian atera zen espetxetik eta hilketagatik aurrekariak ditu. Atxiloketaren unean, ihes egiten saiatu omen zen, Guardia Zibila atzetik zuela sumatu ondoren.
Bestalde, Laura Luelmoren gorpuari atzo egindako autopsiak azaldu zuenez, bekokian emandako kolpe handi baten ondorioz hil zen 26 urteko irakaslea, ikerketako iturrien arabera.
Zamorako emakumea abenduaren 14a eta 15a bitartean hil zuten, iragan asteazkenean El Campillon (Huelva) desagertu eta bi edo hiru egunera. Ikertzaileek 72 orduko tartea dute galdeketa egiteko, atxilotua Valverde del Caminoko 1. Instrukzioko Epaitegiaren esku utzi aurretik. Halaber, sumarioa sekretupean jarri du epaileak.
Ikerketa
Emakumearen gorpua joan den astelehenean (abenduak 17) topatu zuten El Campilloko bere etxetik kilometro batzuetara. Buruak kolpea eta lepoan indarkeria zantzuak zituen.
Hilotza N-435 errepidearen inguruan aurkitu zuen bilaketa lanetan ari zen boluntario batek.
Guardia Zibilaren ikertzaileak gorpua agertu zen ingurua miatzen ari dira, aztarna bila. Izan ere, objektu sendo batekin buruan kolpea jaso zuela uste dute. Halaber, oraindik ez dute zehaztu gaztea toki horretan bertan hil zen edota hil ostean lekualdatu zuten.
Gainera, hil aurreko orduak (48 orduz gutxienez) ikertzen ari dira. Bere borondatearen aurka atxikita izan zuela uste dute.
Hipotesi nagusiaren arabera, bizpahiru egunez, abenduaren 12etik 14ra edo 15era bitartean, bahituta izan zuen. Ez hori bakarrik, bildutako zantzuen arabera, sexu-erasoa ere jasan zuen.
Ikerketarekin jarraituz, Bernardo Montoya atxilotu zutenean gidatzen ari zen auto beltza ere miatzen ari dira.
EFE albiste agentziak kontsultatutako iturrien arabera, hilketa argitzeko gakoetako bat gaztearen eskuko telefonoa izango da. Bilaketa lanetan ari dira, baina oraindik ez dute aurkitu. Horrez gain, bere garrantzia izan dezake hilketa aitortu duen gizonaren eskuko telefonoak ere.
Abenduaren 12an, 20:00etan, jaso zuen antena batek Laura Luelmoren telefonoaren seinalea, azkenekoz.
____________________________________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.