Meatzariak tunelean sartu dira, galeria zulatzeko eta 2 urteko mutikoa erreskatatzeko
Asturiasetik joandako meatzariak tunel bertikalean 18:00ak aldera sartu dira. Bertatik galeria zulatu eta Julen erreskatatuko dute. Bi urteko mutikoa putzu batean erori zen Totalanen (Malaga), urtarrilaren 13an.
Espainiako Gobernuak Malagan duen Azpiordezkaritzako iturriek jakitera eman dutenez, meatzariak 17:49ean jaitsi dira eta, aurreikuspenen arabera, 24 bat ordu beharko dituzte lana bukatzeko, baina bidean topatzen dituzten materialek lana baldintzatuko dute.
Lau metroko galeria horizontala eskuz zulatuko dute meatzariek, tunela eta putzua 72 metroko sakoneran lotzeko.
Brigadako kideak binaka jaitsiko dira tunel bertikaletik, eta txanda bakoitzak 30 edo 35 minutu emango ditu lanean; ondoren beste bi lankidek ordezkatuko dituzte, horrela bata bestearen segidan.
Erreskaterako espresuki eraikitako kapsula batean jaitsiko dira meatzariak. Hodiarekin marruskadurarik ez izateko, errodamenduak ditu kapsula horrek.
Galeriak aldapa txiki bat du, induskatutako materiala grabitatea aprobetxatuz ateratzeko. Zuloan aurrera egiten duten heinean, hormak eta sabaia zurkaiztu beharko dituzte meatzariek.
Meatzaritza Salbamenduko Brigadaren zortzi kide, hamar guardia zibil (mendi erreskate taldeko zortzi eta bi urpekari) eta zortzi suhiltzaile ari dira lanean, operazioan; guztira, 26 pertsona.
Zure interesekoa izan daiteke
Teruelgo aireportua hegazkinez beteta dago, ezin direlako Ekialde Hurbilera itzuli gerraren ondorioz
Ostiral honetan 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.