Erabakian atzera egin zuen kidea kanporatuko duten beldur da Ibarren defentsa
Pablo Ibar errudun jo eta erabakian atzera egin zuen herri-epaimahaiko kidea kanporatuko ote duen beldur da Ibarren defentsa. Dennis Bayley magistratuak epaimahaiko kide hori deitu du, bere jardunean presioan jasan zituela interneten idatzi zuen zinpekoa bera ote den argitzeko. Haren esku dago erabakia.
Interneten argitaratutako mezuetan, Ibar auziko epaimahaia jasaten ari zen "presioen" aurrean nola jokatu behar zuen jakiteko aholkuak eskatu zituen norbaitek.
Bayley magistratuak aldeak asteazkenerako deitu ditu Fort Lauderdale epaitegietan, Floridan 12:30ak direnean, Collins zinpekoa entzuteko. Fiskalak epaimahaitik kanporatzeko eskatu du.
Otsailaren 25etik aurrera ezagutuko da zigorra. Heriotza zigorra edo bizi osorako kartzela dira bi aukerak. Erabakia zigortu zuen epaimahai beraren esku egongo da.
Andres Krakenberger Pablo Ibarren heriotza zigorraren aurkako elkarteko bozeramaileak azaldu duenez, epaileak ez dio Collins epaimahaikideari galdetuko zergatik egin zuen bere erabakian atzera; aitzitik, bai ordea, Ibar auziko epaimahaia jasaten ari zen "presioen" aurrean nola jokatu behar zuen galdetuz norbaitek reddit.com webgunean egin zituen iruzkinen inguruan.
Ibarren abokatuek Collins zinpekoak epaimahaikide izaten jarraitzea nahi dute. Horien esanetan, oraingoz ez da frogatu iruzkin horiek berak idatzi zituela.
Iragan astean, epaitegitik kanpo informazioa jaso zuen zinpekoa kanporatu zuen epaileak.
Pablo Ibar hiru hilketagatik "errudun" jo zuen epaimahaiak.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.