Greba feministaren arrakasta nabarmendu dute alderdi guztiek, PPk izan ezik
Greba feminista izan dute hizpide gaur Radio Euskadiko Parlamento en las Ondas saioko solasaldian. Alderdi guztiek, PPk izan ezik, atzoko protestak izan zuen arrakasta nabarmendu dute.
EAJ, EH Bildu, PSE-EE eta Elkarrekin Podemos alderdiek esan dutenez, emakumeen eta gizonen arteko berdintasun eza salatzeko beharrezkoak dira atzokoa bezalako indar erakustaldiak. Neska gazteen parte-hartzea azpimarratu dute guztiek, eta euskal mugimendu feminista "osasuntsu" dagoela esan dute.
Leixuri Arrizabalaga EAJko parlamentariak uste du ezinbestekoa dela egunero "alertan egotea" eta lanean jarraitzea, lortutako eskubideak ez daudelako "betirako bermatuta" eta edozein momentutan "atzera egiteko arriskua" egon badagoelako.
Bere hitzetan, Euskal Herria erreferentea izan da berdintasunaren aldeko politiketan, eta bide horretan lanean jarraitzeko deia egin die alderdi guztiei.
EH Bilduko Oihana Etxebarrietak atzoko egunak emakumeei utzitako zapore gozoa nabarmendu du. "Hunkituta gaude, behingoagatik, mugimendu feministaren proposamenek alderdi politikoen hauteskunde eztabaidaren erdigunea hartu dutelako", esan du.
Ildo beretik mintzatu da Elkarrekin Podemoseko Eukene Arana ere. "Harrotasun amaigabea" sentitzen duela adierazi du atzo emakumeek kaleak nola hartu zituzten ikusita. Eskuinari eta emakumeen eskubideak botoak lortzeko erabiltzen dituztenei aurre egiteko modua mobilizatzea dela ere esan du.
Alexia Castelo PSE-EEko parlamentariaren hitzetan, berriz, feminismoa ezin da alderdikeriaz erabili. Berak ere eskuineko alderdiei egin die deia, emakumeen eskubideen aldeko borroka ez "manipulatzeko" eskatuz.
Bestelako irakurketa egin du Laurra Garrido PPko parlamentariak. Grebara ez batzeko hautua egin zuten emakumeei errespetua agertu die, eta berdintasunaren alde egunero borrokatu behar dela adierazi du.
Zure interesekoa izan daiteke
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean. Alarguna VioGén sisteman (Genero Indarkeria Kasuen Jarraipen Integralerako Sistema) agertu zen 2012an.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.
Bi atxilotu Andoainen lapurtzera sartu ziren etxe bateko jabea itotzen saiatzeagatik
Bi biktimak esnatu egin ziren etxeko atea behin eta berriz jotzen ari zirela ikustean, eta atea irekitzean, beltzez jantzitako ezezagun bat gainera etorri zitzaien.
Gasteizko Udalak 8 orduko TAO tarifa berria ezarriko du gaurtik aurrera
Tiket berria 2. Eremuari aplikatuko zaio, eta zortzi euroan 10:00etatik 20:00etara aparkatzeko aukera emango du, ohiko etenaldiarekin, arratsaldeko ordu bietatik lauetara (TAOrik gabeko tartea).
Osakidetzak uste du gripe kasuek goia jo dutela dagoeneko
Atzemandako kasuek hiru astez jarraian behera egin ondoren, Osakidetzak ez du "gorakada handirik" espero egun hauetarako, Koldo Berganzo Asistentzia Sanitarioko zuzendariak azaldu duenez. Bere ustez, aurten izandako esperientziaren ostean, datozen urteetan txertoguneak martxan jarriko dituzte EAEko hiru lurraldeetan.
Gizon bat atxilotu dute Lezon, eztabaida baten ondoren establezimendu bateko langilea harrapatzen saiatzeagatik
Eusko Jaurlaritzako Segurtasun Sailak jakinarazi duenez, ostegun gauerdia pasata deia jaso zuen Ertzaintzak, lokalera joateako eskatuz. Izan ere, gizon bat hiru aldiz saiatu zen establezimenduko langileetako bat autoarekin harrapatzen, lokalaren kanpoaldean. Antza, horren aurretik liskarra izan zuten biek eta langileak bota egin zuen atxilotutako gizona.